Spanning in Coligny: Snelweg versper

Vragmotors wat verlede week deur betogers in Coligny in Noordwes aan die brand gesteek is (25 April 2017). Foto: Facebook via Marlene Roux

Die Noordwes-polisie moes Dinsdagmiddag van traangas gebruik maak om betogers uit mekaar te dryf wat die N14-snelweg versper het.

Die betogers, gewapen met klippe en sinkplate as skilde, het die snelweg met buitebande wat aan die brand gesteek is en ander voorwerpe versper.

Die polisie het die versperrings uit die pad verwyder, terwyl die betogers hulle met klippe bestook het.

Die betogers was glo nie gelukkig met die uitkoms van ʼn vergadering met die provinsie se LUR van gemeenskapsveiligheid, dr. Mpho Motlhabane, nie. Die vergadering is gehou oor wat gedoen kan word om wet en orde in Coligny te herstel.

Maroela Media het vroeër berig inwoners van Coligny het gewelddadig geraak nadat Pieter Doorewaard (26) en Phillip Schutte (34) albei  van R5 000 elk vrygelaat is. Doorewaard en Schutte word aangekla van moord op Matlhomola Jonas Mosweu (16). Die mans beweer hulle het hom en nog ʼn kind in hul werkgewer se landerye betrap waar hulle sonneblomme gesteel het. Hulle het glo vir die seuns gesê om op hul bakkie te klim om hulle na die polisiestasie te neem. Een seun het weggehardloop en Mosweu het agterop die bakkie geklim.

Volgens die beskuldigdes het Mosweu van die bakkie afgespring toe die voertuig om ʼn draai spoed verminder het en is later aan sy beserings dood. Die staat beweer Mosweu is van die bakkie afgegooi.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

23 Kommentare

jongste oudste gewildste
Christo

Dit is jammer dat die SAPD se hande so vas gebind is en die publiek gedruig word deur wette lose mense

al

Daar is ñ in diepte verslag van joernalis adriaan malan op News 24. Coligny: Things to come. Dis duidelik dat die seun op n gerieflike tyd dood is toe die swart mense keelvol was vir die ANC se dienslewering.
Daaruit ook is n Tabele, ñ misterieuse opstoker en sy volgelinge wie die onrus verder aangewakker het deur die woede en versterkings gebruik het om te draai na wit mense toe.
En die ANC premier van Noordwes wat die laaste kooltjie op die vuur gooi. Dit lyk na n goed beplande strategie van die Zuma kamp.

lw

Dit lyk of daar ñ politieke opsweping was sodat daar teen wittes gedraai is. Die chaotiese omstandighede het niemand tot voordeel nie. Coligny gaan nou nog armer wees as ooit tevore.

Brian Williams

Jy sal verbaas wees . . .

Catryn

Dit is binnelandse terreur – presies dieselfde erger terrorisme van voor 1994, dis nie net Coligny en Lichtenburg nie. Dis Eldorado, sowel ander plekke, Richardsbaai is ook vanoggend geteiken in die hawe, 3 SAPS voertuie verwoes en stootskrapers gebruik. VOOR Coligny se terreur, was daar 3 maande se geweld buite al hierdie areas en dit het niks met die persoon wat dood is te doen nie. Daar was tot grensposte in Botswana gesluit, maar gerieflik swyg die hoofmedia daaroor, mens wonder hoekom. Hoeveel mense is al ooit aangekla vir al hierdie terrorisme, terreurdade en watse tronkstraf het hulle gekry. Is… Lees meer »