“Die man was glo besig om te visjag onder die water, glo teen ʼn diepte van omtrent 20 meter, toe hy in die moeilikheid beland het,” het Robert Mckenzie, woordvoerder van die provinsiale nooddienste, gesê.
Mckenzie sê die man is deur vriende gered en na die strand geneem waar hulle noodhulp en mond-tot-mond-asemhaling toegepas het. Hy sê met paramedici se aankoms op die toneel het hulle die man verder behandel voor hy per helikopter na die Ngwelezane-hospitaal vervoer is vir die nodige sorg.
Mckenzie sê dit is nog nie duidelik hoekom die man in die moeilikheid beland het nie.