ʼn 46-jarige man het Sondag teen 228 km/h op die N1-snelweg in Johannesburg gery.
“Die man is op die N1-noord naby die 14e Laan-afrit op sy Suzuki-motorfiets gevang,” het hoofsupt Wayne Minnaar, woordvoerder van die Johannesburgse metropolisie, gesê. Die man het teen 228 km/h in ʼn 120km/h-sone gery.
“Die man is vier kilometer verder voorgekeer en sy motorfiets het nie ʼn nommerplaat gehad nie,” het Minnaar bygevoeg.
Hy is na die Honeydew-polisiestasie geneem en moes ʼn boete van R1 500 betaal. Hy sal na verwagting op 4 Junie weer in die Roodepoort-landdroshof verskyn op aanklag van roekelose en nalatige bestuur. -SAPA
228km/h beslis nie n rekord nie.
Aggenee, en hy nooi my nie eens saam op die pretrit nie. Nou sommer vies.