Spoedvraat vas ná hy met Lamborghini jaag

Argieffoto

ʼn Man is vroeg Maandagoggend in Kaapstad in hegtenis geneem nadat hy 250 km/h op die N1 met ʼn Lamborghini gery het.

Die voorval het omstreeks 01:00 op die N1-hoofweg tussen Sableweg en Plattekloof plaasgevind.

Volgens ʼn verklaring van die Stad Kaapstad is die man aangekla van roekelose en nalatige bestuur.

Volgens die owerhede is ʼn ekstra aanklag van dwarsboming van die gereg bygevoeg aangesien die voertuig nie nommerplate of ander identifikasietekens gehad het nie.

“Dié voorval is nog ʼn voorbeeld van die absolute minagting wat sommige padgebruikers vir die wet het,” het JP Smith, burgemeesterskomiteelid vir veiligheid en sekuriteit, gesê.

“Ek weet nie hoe enigiemand kan dink om teen so ʼn hoë spoed te bestuur is aanvaarbaar nie. Ons word gewoonlik toegegooi onder klagtes van die gedrag van publiekevervoerbestuurders, maar die feit is dat die gedrag van verskeie kategorieë van padgebruikers niks minder as gruwelik is nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Zoro

Maak n voorbeeld van hom, hy dobbel met onskuldige lewens – Dit is lagwekkend en drakonies om n klagte van dwarsboming van die gerêg by te voeg vir geen nommerplate . J P julle behoort van beter te weet , wetstoepasing en emosie loop nie saam nie.

Anti Spoed

Hou hom/haar agter tralies.

marous

Boete gaan niks help nie. Lisensie moet weggeneem word en diens by die staatslykshuis .

Ettienne

Ek sou nog vinniger… traai my vang…. lol

Vermeende

Daai kar is apsoluut veilig teen daai spoed en onder beheer, dit is waarvoor hulle gebou word, die regte gevaar is hierdie warm gemaakte tjorre wat daai spoed probeer ry met bande wat nie eers geskik is vir R120 km/uur nie.
Die dam word nou onder die eend uitgeruk omdat die ou geld het.
Maar ongelukkig is wet wet en hy het oortree.