Sportkwotas: ‘AfriForum, Solidariteit lewe in die verlede’

Sportminister Fikile Mbalula. Foto: Flickr/GovernmentZA

Sportminister Fikile Mbalula. Foto: Flickr/GovernmentZA

Fikile Mbalula, die minister van sport, het Woensdag teruggekap teen AfriForum en Solidariteit se planne om regstappe te doen teen Mbalula se transformasieplan vir Suid-Afrikaanse sport, deur die organisasies as “agterlike ekstremiste” te beskryf.

Mbalula het in April ʼn herrie veroorsaak toe hy aangekondig het SARU, Krieket SA, Netbal SA en Atletiek SA mag voortaan nie gasheer speel vir enige groot internasionale sportgebeurtenisse in die land nie, aangesien hulle volgens hom nie hul transformasieteikens bereik het nie.

Die burgerregteorganisasie, AfriForum en die vakbond Solidariteit, het daarna aangekondig hy sal hom tot die arbeidshof wend om Mbalula se transformasieplan teen te staan, aangesien Mbalula se stappe, volgens die twee organisasies, op onbillike arbeidspraktyk neerkom. Solidariteit en AfriForum sal ook klagtes by die Verenigde Nasies (VN), verskeie internasionale sportliggame en die internasionale arbeidsorganisasie (ILO), teen sportkwotas indien.

Mbalula het Woensdag op die twee organisasies se aankondiging gereageer deur te sê AfriForum en Solidariteit se reaksie is nie verbasend nie. “Hierdie dreigement is te wagte van groepe agterlike ekstremiste wat hulself voordoen as verteenwoordigers van die Suid-Afrikaanse volk. Hierdie groepe verteenwoordig nie ons mense of hul belange nie, maar word gedryf deur ʼn begeerte om in die verlede te bly en nie die toekoms wat ons ons voorstel, te aanvaar nie,” het Mbalula gesê.

Hy het gesê enige groepe wat die besluite wat geneem word om sport in Suid-Afrika te transformeer teenstaan, bedreig die toekoms van Suid-Afrika. “Daarom sal die departement van sport en ontspanning veg teen enige uitdaging wat deur AfriForum en Solidariteit gestel word in ʼn poging om ons transformasieplan te vertraag,” het hy gesê.

“Diegene wie se voete in die verlede geanker is, sal nie tevrede wees met hierdie maatreëls nie. Transformasie, gelykheid en regstelling van die verlede, is die kern van ons Grondwet en AfriForum en Solidariteit staan vir die uiterste teenoorgestelde daarvan.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

43 Kommentare

jongste oudste gewildste
Kobus Du Plessis

Rasse kwotas is streng teen die Internasionale Rugby Raad (IRR) se reëls. Die logiese stap sal wees om ‘n petisie aan die IRR te stuur waarin hul hierop attent gemaak word. Hierdie petisie sal internasionaal geloods moet word deur groot rugby lande soos Nieu Zeeland, Australië, Frankryk, ens te betrek. Die IRR sal hierop moet reageer en kan selfs SA spanne verbied om internasionaal te kompeteer. Hierdie is ‘n uitvoerbare aksie as dit reg hanteer word. Dit kan ook help om ‘n “Sportmanne teen Rasse Kwotas” groep te stig wat die saak fisies dryf.

Kobus Du Plessis

Rasse kwotas is streng teen die IRR se reëls. Die logiese stap sal wees om ‘n petisie aan die IRR te stuur waarin hul hierop attent gemaak word. Hierdie petisie sal internasionaal geloods moet word deur groot rugby lande soos Nieu Zeeland, Australië, Frankryk, ens te betrek. Die IRR sal hierop moet reageer en kan selfs SA spanne verbied om internasionaal te kompeteer. Hierdie is ‘n uitvoerbare aksie as dit reg hanteer word. Dit kan ook help om ‘n “Sportmanne teen Rasse Kwotas” groep te stig wat die saak fisies dryf.

Ben Prinsloo

Mbalula ek gaan jou wys ek is nie agterlik nie en jy het my sopas ooreed om n swart span te steun, die span met die varingtjie op hulle bors. Die span is so goed met transformasie dat hulle word tot genoem die All Blacks. Ek gaan jou verder so tevrede stel Mbalula dat ek vir jou wil sê ek het nou die WIT vlag gehys teen jou springbokspan.

JC

Hy glo net wat hy self se. Gelykheid en die regstel van onbillike praktyke van die verlede is dalk kernbeginsels van die Grondwet, maar nie transformasie nie. (soos dit in elk geval ook nou gedoen word deur die regering) Die verwesenliking van ‘n staat waar gelykheid seevier, met geleenthede en gelykberegting (kies op meriete) vir almal om hulself te bewys, nieteenstaande ras, geslagtelikheid ens; en die uitbou van die beginsel van eenheid deur diversiteit-is onder andere van die kernbeginsels van die Grondwet. Nou is die staat weereens besig met onbillike praktyke aangesien rassekwotas ONBILLIK DISKRIMINEER op grond van ras, en… Lees meer »

Dup du Plessis

Gee aan die regering die beheerde spansporte, hou geld weg van hierdie federasies en laat hulle toe om hul eie kele af te sny…..laat dit soos ons sokker word, verwyder ook asb die springbok van rugby en gee dit ‘n ander naam…….die staat kan nie die publiek dwing om na iets te gaan kyk waarna jy nie wil nie……vir seuns wat dit regtig as beroep wil doen is daar ‘n hele wereld daar buite wat wag en teen baie beter vergoeding…….