Sportminister se dreigemente oor BLM-kniebuiging ‘ongrondwetlik’

Dr. Pieter Groenewald. (Foto: VF Plus)

Die minister van sport, Nathi Mthethwa, se dreigemente teen sportlui wat nie die knie voor die Black Lives Matter (BLM)-ideologie wil buig nie, is ongrondwetlik en verkeerd.

Só het die VF Plus se leier, dr. Pieter Groenewald, tydens die debat oor BLM in die parlement gesê. “Suid-Afrika se Grondwet maak voorsiening vir vryheid van assosiasie en indien die minister dink hy kan deelnemers aan sport of enigiemand anders verplig om voor BLM te buig, onderwerp hy hulle aan Marxisme.”

Mthethwa het die Suid-Afrikaanse spelers in die Gallagher Premiership se besluit om nie die knie vir die Black Lives Matter-beweging te buig nie, bevraagteken. Hy was ook met Saru se president, Mark Alexander, in verbinding hieroor. “Ons wil graag weet wat aangaan en wat SA Rugby se houding hieroor is,” het Mthethwa gesê.

Groenewald is egter van mening dat BLM niks anders is nie as ʼn Marxistiese beweging en dat dit enige Suid-Afrikaner se grondwetlike reg is om te weier om te kniel voor ʼn onaanvaarbare ideologie. “Die VF Plus doen ʼn beroep op elke persoon wat nie die knie wil buig nie, om sterk standpunt hieroor in te neem en hulle te beroep op die Grondwet.

“Die stigters van BLM is ʼn selferkende, radikale neo-Marxistiese beweging wat uit eie erkenning daarop uit is om Westerse waardes te vernietig en wat ʼn openlike anti-wit-veldtog voer.”

Minister Nathi Mthethwa. (Foto: Kopano Tlape/GCIS)

Die dood van George Floyd in Amerika laat die vraag ontstaan waarom dieselfde ophef nie gemaak word van die dood van Collins Khosa wat in Suid-Afrika deur swart soldate doodgeslaan is nie, meen Groenewald.

“Oor Khosa se dood was daar geen oproer of onluste nie. Was dit straks omdat dit swart-op-swart-geweld was? Die VF Plus is gekant teen enige vorm van polisie-brutaliteit of rassisme. Dit sluit enige wetgewing of instelling in wat ras as vertrekpunt gebruik.”

Groenewald het gesê die VF Plus sal voor niemand kniel ter bevordering van enige beweging nie, maar sal net kniel voor God en voor geen ander mens of om geen ander rede nie.

Die Sale Sharks se agt Suid-Afrikaanse spelers, Rob du Preez (losskakel), Faf de Klerk (skrumskakel), Dan du Preez (agtsteman), Jono Ross (kaptein en flank), Lood de Jager (slot), Jean-Luc du Preez (slot), Akker van der Merwe (haker) en Coenie Oosthuizen (stut), het nie Vrydagaand die knie voor hul wedstryd teen Harlequins gebuig nie.

Die spelers het egter steeds gewys dat hulle teen rassisme gekant is deur T-hemde te dra met die woorde “Rugby against Racism” daarop.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
DieKriek

Hoe is BLM relevant in Suid Afrika? Dis n beweging geskep deur n minderheidsgroep in die VSA. Suid Afrika het n swart meerderheidsregering met baie wette teen minderheidsgroepe. As mens die oorhand het en jy het nog steeds n kruk nodig, is jy pateties verby.

Sobymykoolkop

Waarop die aangestelde kader van sport Suid Afrika voorberei is dat, wanneer rugby hervat alle SA spanne SAL buig voor mammon, die springbok kaptein heel eerste. Dalk, net dalk sal die orige rugby ondersteuners ook finaal die lig sien en rugby soos die res van ons, vaarwel toeroep

Marius

Jy sien Nathi , mense gaan nie net spring omdat julle (anc) so se nie . Daar is baie mense met sterk waardes en normes . “All lives matter” !!! Dit is my reg om te besluit vir wat ek wil knie of nie . God is die enigste rede vir my en gelukkig baie ander mense ook . Kry n lewe , dit is gratis .

agnes

Ons stem absoluut saam met VF plus en kom in opstand teen die BLM se kniebuiging voor die duiwel. Ook ons Sal net vir onse GOD die kniebuig. Verseker en ten alle koste

Kosie

Dankie Pieter, hoop jy vat die rassistiese mthethwa vas hy is nie eers versonderstel om n minister te wees met sy rassistiese uitlatings nie, net n bewys dat die anc net vir swart staan maar die wittes se belasting geld is goed.