Sprake van korrupsie by staatsdrukker

Die ANC het Saterdag stappe verwelkom wat korrupsie by die staatsdrukker ondersoek.

“Die ANC-werkgroep oor binnelandse sake is ingelig oor ʼn voorlopige ondersoek na bewerings van korrupsie en wanadministrasie by die staatsdrukker, wat die waarnemende uitvoerende hoof Angela Fosi impliseer,” sê Nomfanelo Kota, woordvoerder van die ANC-koukus.

Die saak is vir verdere ondersoek na die staatsdienskommissie verwys. Die portefeuljekomitee het ook die minister van binnelandse sake opdrag gegee om ʼn volledige ondersoek by die staatsdrukker van stapel te stuur na die bestuurstrukture,  insluitend die voorsieningsketting, menslike hulpbronne en die sekerheidstelsel. Die minister van binnelandse sake sal die portefeuljekomitee teen die einde van die maand oor die voorlopige ondersoek inlig.

“Die ANC is tevrede met die stappe wat die minister tot dusver geneem het en glo vas dat die wet en omsigtigheid in hierdie geval toegepas moet word,” sê Kota.

Sy sê die ANC bly daartoe verbind om korrupsie en wanadministrasie in alle vorme te beveg.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

14 Kommentare

jongste oudste gewildste
Nie Verbaas

“Sy sê die ANC bly daartoe verbind om korrupsie en wanadministrasie in alle vorme te beveg”. Wat n grap.

Anoniem

Soos die engelse sê: Dont do what I do. Do as I say. Ongelukkig is dit ‘n bietjie laat vir die ANC om dinge nou te wil stopsit.

Jakes

Wie dink Kota glo haar .
Kyk na Dep van water.
Kyk na Sasa
Kyk na SAL
Kyk na Eskom.
Wie die spul nog glo moet regtig idiots wees.

Strandloper

Daar moet fout wees iewers…hul het nie die plek af gebrand nie?

Pieter

Dit is nou een ding wat die ANC baie goed kan doen. En dan word jy nog beloon ook julle klomp is siek