Springbokkie op nuwe Wêreldbeker-truie lei tot ongelukkigheid

Jean de Villiers in die nuwe Springbok-trui vir die Wêreldbeker. Foto: Saru/Facebook

Jean de Villiers in die nuwe Springbok-trui vir die Wêreldbeker. Foto: Saru/Facebook

Die Springbokke se nuwe truie vir die Wêreldbeker-rugbytoernooi later vanjaar in Engeland is amptelik bekendgestel, maar het tot groot ongelukkigheid onder gebruikers op sosiale media gelei.

“Die belangrikste doelwitte in die ontwerp van klere vir die Springbokke was om gewig te verminder sonder om sterkte prys te gee. Die trui vir die 2015-Wêreldbeker-rugbytoernooi sal die ligste nóg wees om deur Suid-Afrika gedra te word, 70 g. ligter as enige vorige trui,” het die Suid-Afrikaanse Rugbyunie (Saru) gesê.

Die nuwe truie is Donderdagaand tydens ʼn spoggeleentheid in Kaapstad bekendgestel. Foto’s van die nuwe truie het kort daarna op sosiale media begin versprei. Talle mense was ongelukkig oor die Springbok wat nie voor op die trui verskyn nie maar eerder op die mou.

Saru het toe ’n verklaring uitgereik waarin hulle gesê het dit is slegs ʼn “tydelike verskuiwing” om te voldoen aan kontraktuele vereistes van die toernooi se organiseerders. Volgens Saru is die plasing van die Springbok op die mou slegs vir Wêreldbeker-gebeure en is dit die eerste keer in Oktober 2010 al deur Saru gekommunikeer.

“Die Springbokembleem is op die linkermou van die truie geplaas vir alle daaropvolgende Wêreldbeker-rugbytoernooie: vir mans, vroue, Sewes en o.20’s. Ander lande – soos Australië – skuif ook hul spanne se embleem na die trui se mou vir Wêreldbeker-gebeure.”

Saru het verder gesê die plasing van embleme word nie deur borge bepaal nie en dat dit die gevolg is van huidige regulasies.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Manie

Hulle kon eerde die Protea heeltemal verwyder het, en dan die Groot emblwem in sy plek gesit het met die kleintjie steeds op die arm! Dit is “Branding” Soos hy nou is skep dit verwarring en dit gaan daartoe lei dat die Springbok gaan verdwyn! Met wie se kop wil hulle nou eintlik smokkel?

Philip

Hoekom sit hulle nie maar ‘n ebleem van nkandla daarop nie?

Gwen

Sjoe, ’n volle 70 gram. Ek is seker die spelers gaan die verskil agterkom. Plaas hulle die politiek rondom die trui verminder…

Gerhard Bezuidenhout

Het die ANC se veelbesproke sportminister n hand hierin.

nico

Ag moeder wat n verskoning die truie moet nog net n geel kleur wees en die naam verander na banana benana