Springs-gruwelhuis: Kinders, ma vir berading gestuur

Die sogenaamde gruwelhuis in Springs. Foto: @POWER987News

Die sogenaamde gruwelhuis in Springs. Foto: @POWER987News / Twitter

Die 36-jarige sakeman van Springs wat in hegtenis geneem is nadat hy glo sy vyf kinders jare lank in ʼn huurhuis aangehou, aangerand, gemartel en van die samelewing versteek het, het Woensdag vlugtig in die dorp se landdroshof verskyn.

Ao. Rudi Jansen, ʼn polisiewoordvoerder, het Woensdag aan Maroela Media gesê die saak is tot 4 Junie uitgestel vir verdere ondersoek, en sodat die verdagte vir sy borgtogaansoek kan voorberei. Hy bly in die polisie se aanhouding tot dan.

Die verdagte se naam mag nie bekendgemaak word nie om die identiteit van die kinders te beskerm.

Die vyf kinders, tussen twee en 16 jaar oud,  is na ʼn plek van veiligheid geneem. Die polisie ondersoek ook ’n klag van statutêre verkragting van die 16-jarige meisie. Die ma bly glo tans saam met ander familielede. Die vyf kinders en die ma ontvang berading. Hulle is glo lank in die vuil huis aangehou. Die huis was glo ook vol rotte. Daar was ook kettings, toue en pornografie in die huis.

Maroela Media het vroeër berig die man is in hegtenis geneem nadat een van die kinders daarin kon slaag om te ontsnap en by die bure hulp ontbied het. Die pa het die kind daarna aangerand en glo by familie in Noordwes gelos en die kind as vermis aangemeld. Lees meer hier.

Jansen het gesê die ondersoek duur voort en dat meer mense by die saak betrek kan word. Die kinderbeskermingseenheid en maatskaplike werkers is ook by die saak betrokke.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Pierre

Mens moet regtig SIEK in jou kop wees om sulke dade te pleeg. Sluit hom toe en vergeet van hom.

Riana

Mag hy bitter swaarkry vir dit wat na sy kant toe kom, my hartjie bloei vir daai arme kinderstjies, maar ek kan dit net nie verstaan hoe n Ma sulke dinge toelaat nie … Maar DANK Onse Hemelse Vader dat hul nou gered is

Belinda

Ek stem die is ‘n regte VARK en sy vrou was net so deel daarvan ek gee nie om wie wat se nie……………sy het dit toegelaat hoekom sy naam weerhou dis in elk geval die hele FB vol…………………..oooooo jinne as ek darem die name moet noem wat in my kop is vir die mense sal ek oral verban word!

erica roos

Ja sien daar gebeur dit weer onder ons neuse en vir hoe lank al, maar ons sit ons en bemoei met Kurt Darren wat by die president se inhuldiging gaan sing het, so what ek sal eerder as ons saam wil hande vat optrek na hierdie man se hof verrigtinge en groot gaan betoog daarteen en ons se se daar waar die hele wereld kan sien ons gee om vir ons medemens en onskuldige kinders op die koop toe, sies man dis absoluut onaanvaarbaar dat sulke dinge in ons samelewing gebeur, weereens ‘n bewys dat ons nie meer omgee wat… Lees meer »

M. Holshausen

Omg !!! My soul bleeds for these kids. Thank God I do not have access to this monster. I have no words. God help me I hate him so much. @#@#$/#@!!