Springs-gruwelhuis: Pa sny glo polse in aanhouding

Nooddienste behandel die man by die Springs-polisiestasie nadat hy glo probeer het om sy polse te sny. Foto: Neo Leeuw @ POWER987News / Twitter

Nooddienste behandel die man by die Springs-polisiestasie nadat hy glo probeer het om sy polse te sny. Foto: Neo Leeuw @ POWER987News / Twitter

Die pa wat glo sy vrou en vyf kinders jare lank in ʼn huis in Springs aangerand en aangehou het, het Donderdag glo probeer selfmoord pleeg kort nadat die Springs-landdroshof sy borgtogaansoek afgekeur het.

EWN berig die man, wie se naam nie genoem mag word nie om die identiteit van die kinders te beskerm, het glo probeer om sy polse te sny en is deur nooddienste na ʼn hospitaal gehaas met verbande om sy polse.

Meer inligting oor die voorval is in die stadium nog nie bekend nie. Hy was in aanhouding toe die voorval plaasgevind het.

Die man het Woensdag in die hof aansoek gedoen om borgtog ná hy op 23 Mei in hegtenis geneem is nadat sy 11-jarige seun vroeër daardie week uit die huis kon ontsnap en by die bure om hulp gaan aanklop het. Sy kinders is tussen twee en 16 jaar oud.

Die verdagte staar aanklagte van aanranding en ontvoering in die gesig. ʼn Bykomende aanklag van verkragting kan ook moontlik teen hom gebring word, ná bewerings dat hy glo sy vrou gedwing het om met hom seks te hê. Hy kan moontlik ook van meineed aangekla word omdat hy ʼn vals verklaring afgelê het toe hy beweer het sy seun word vermis. – SAPA

Lees ook:
Springs-gruwelhuis: Applous toe hof nee sê vir borgtog
Springs-gruwelhuis: Hof hoor ma rand ook kinders aan
Springs-gruwelhuis: Skokgetuienis oor marteling
Springs-gruwelhuis: Pa vra borgtog voor volgepakte hof
Springs-gruwelhuis: Pa weer in hof
Springs-gruwelhuis: Kinders, ma vir berading gestuur
Springs-gruwelhuis: Pa in hof

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
Theresa

Die kinders en vrou het nie ‘n kans gehad nie. (Ek noem die vrou en die kinders want hulle kan nie as joune beskou word nie. ‘n Pa doen nie sulke dinge nie!! Nou kies jy die maklike uitweg. Doen asseblief ‘n beter job die volgende keer.

Jen

Waarom het julle hom nie gelos sodat hy dood bloei nie.

Dikkes

Hulle moes hierdie gemors gelos het om homself dood te bloei!! Wat hy aan daardie arme kindertjies gedoen het, hoe kan enige man (vrou) dit aan hulle eie kinders doen? Net jammer hy het nie ‘n beter job gedoen nie.

Riana

NEE … Hy MOET gestraf word vir sy dade, nou kies hy die maklike uitweg, mag hy net so swaar kry soos sy “vrou” en Kinders

Annemarie

So ‘n mens verdien nie om kinders te he nie. Daai kinders gaan die res van hulle lewe met daardie letsels loop. Kan net bid dat ons Hemelse Pa al hul einas sal heel en dat hulle nou goeie huise sal kry waar hulle met liefde oor laai sal word.