Spur se verkope daal

Pierre van Tonder, uitvoerende hoof van Spur. Foto: http://www.spurcorporation.com

Verkope by Spur-restaurante het in die boekjaar tot einde Junie met amper 3% gedaal.

Verkope het met 2,8% afgeneem terwyl verkope by restaurante wat ook in die vorige boekjaar oop was met 4,9% gedaal het.

Pierre van Tonder, uitvoerende hoof, het gesê Spur, wat tweederdes van Spur Corporation se verkope verteenwoordig, het in die tweede helfte van die boekjaar tekens van herstel getoon. Hy skryf die swak verkope toe aan die finansiële druk waaronder die middelklas gebuk gaan.

Spur Corporation sluit Spur International, Spur Steak Ranches, Panarottis Pizza Pasta, John Dory’s Fish Grill Sushi, The Hussar Grill, RocoMamas, Spur Grill & Go en Casa Bella in. Vir die groep as geheel het verkope met 1,3% gegroei. Die algehele verkope van die groep se restaurante was R7,1 miljard.

Verkope in Suid-Afrika het met 1,5% gestyg en oorsese verkope met 2,7%. By Panarottis, Casa Bella, John Dory’s, The Hussar Grill en RocoMamas het verkope egter heelwat gestyg. By The Hussar Grill het verkope in dié boekjaar met 24,4% gestyg en by RocoMamas met 31,5%.

Van Tonder het gesê Panarottis is geraak deur strawwe kompetisie in die pizzamark en ʼn verskuiwing van hul strategie wat spesiale aanbiedings en bemarking betref, terwyl John Dory’s negatief geraak is deur die tydelike sluiting van sommige sleutelwinkels weens herbouings.

Die groep het die afgelope jaar 44 nuwe restaurante in Suid-Afrika oopgemaak terwyl 18 gesluit is. In die buiteland is 11 restaurante oopgemaak en nege gesluit. Die groep het nou 575 restaurante wêreldwyd.

Volgens Van Tonder het hulle die volhoubaarheid van Spur se finansiële model verseker deur ʼn strategiese skuif te maak, naamlik minder staat te maak op afslag en dit te vervang met spesiale aanbiedinge en produkverbetering. Dít het volgens hom kettingwinkeleienaar-marges opgeskuif.

Hy het bygevoeg die positiewe verbruikersentiment ná pres. Cyril Ramaphosa se inhuldiging in Februarie was van korte duur ná die besef dat daar geen korttermynoplossing is vir die uitdagings wat Suid-Afrika in die gesig staar nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

74 Kommentare

jongste oudste gewildste
Boet Fasie

Die boikot teen Spur maak seer.

Linda

Hoekom is ek nie verbaas nie?

Gerda

Nee ons eet glad nie meer by spur oor daai Rasse voorval nie!!!!!! En hulle kos is eintlik ook maar nie lekker nie!!!!!

ferdi

Gemorskos

Anti-Spur

Nee dankie, ons eet nie meer by SPUR. En ek sal nou nie so baie geld betaal vir kos wat nou regtig nie getuig van kwaliteit nie. Dan eet ek eerder by die WIMPY