SR-lid ‘wat wittes wil doodskiet’ geskors

Luvuyo Menziwa. Foto: Facebook

Luvuyo Menziwa. Foto: Facebook

Luvuyo Menziwa, die lid van die Universiteit van Pretoria (Tuks) se studenteraad wat glo wit mense met ʼn AK-47 of ʼn bazoeka wil doodskiet, is van die raad geskors.

“As gevolg van klagtes wat AfriForum Jeug teen Luvuyo Menziwa gelê het, is hy sopas van Tuks se studenteraad geskors,” het die organisasie Dinsdag omstreeks 13:00 op Twitter aangekondig.

AfriForum Jeug het Maandag bekend gemaak dat die organisasie klagtes teen Menziwa voorberei nadat Menziwa na bewering op Facebook ʼn lys van redes geplaas het hoekom hy wit mense met ʼn AK-47 of ʼn bazoeka wil doodmaak. Hy het in die inskrywing redes gelys waarom hy wit mense haat. Die redes is onder meer “wit voorreg, wit arrogansie, wit monopolie van kapitaal en wit meerderwaardigheid”.

“Ter afsluiting, f** wit mense. Gee my net ʼn AK-47 of ʼn bazoeka sodat ek die regte ding kan doen en hierdie demoon-besete mense kan doodmaak,” lui die inskrywing.

Volgens Henrico Barnard, AfriForum Tuks se woordvoerder, beskou AfriForum Jeug Menziwa se inskrywing as lasterlike uitsprake, aanhitsing tot geweld en intimidasie.

Anna-Retha Bouwer, woordvoerder van die UP, het aan Maroela Media bevestig dat hy geskors vir oortreding van die studenteraad se gedragskode. “Enige verdere ondersoeke deur die universiteit in terme van die dissiplinêre kode vir studente gaan nog voort,” het sy gesê.

'n Skermskoot van die inskrywing soos die AfriForum Jeug verskaf.

‘n Skermskoot van die inskrywing soos deur AfriForum Jeug verskaf.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

78 Kommentare

jongste oudste gewildste
Werner

Enige persoon wat sulke uitlatings maak moet uit die land verban word nie net van die raad nie. Hoe moet ons vrede en eensgesindheid handhaaf met sulke mentaliteit?

Johan

Waar is sy skorsing van die universiteit? Skorsing van die raad beteken niks……gaan hy ook boete van R150 000 betaal?…….hoop AfriJeug gaan dit nie daar laat nie…..

Christo

Twee woorde : Penny Sparrow?

Anoniem

Nie genoeg…Waar is sy boete?

Theresa B

Van die Raad geskors??!! Siestog……….