Staalvervaardiging daal weens kragonderbrekings

Argieffoto (Foto: hera.org.nz)

Argieffoto (Foto: hera.org.nz)

Vervaardiging in die metaal- en ingenieursbedryf het met 1% gedaal tussen Oktober en November 2014 weens kragonderbrekings deur Eskom.

Henk Langenhoven, woordvoerder van Seifsa, die verteenwoordiger van werkgewers in die staal- en ingenieursbedryf, het gesê die kumulatiewe effek van kragonderbrekings kom neer op ʼn daling van 2.5% in die eerste 11 maande van 2014 in vergelyking met dieselfde periode in 2013. Dit beteken ʼn 12 maande afname van 2.1% in vervaardiging.

Langenhoven sê die vervaardiging van rubberprodukte het met 5.9% gedaal en plastiek met 2%. Basiese yster- en staal het met 0.9% gedaal en nie-ysterhoudende produkte met 3.6%. Strukturele staal het met 6.3% gedaal en algemene masjinerie met 13%. Elektriese masjinerie en -toerusting het met 1.9% gedaal.

Hy het dit benadruk dat Seifsa se vorige beraming dat kragonderbrekings, soos wat die land in November beleef het, moontlik daartoe sal lei dat 23% van vervaardiging in die staal- en ingenieursbedryf vernietig sal word. “Eskom se waarskuwings oor die moontlikheid van nog sulke kragonderbrekings gedurende die jaar is ʼn groot kommer.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.