Staat ondersoek onwettige ‘burgerskap-huwelike’

Aaron Motsoaledi. Foto: ANA

Die departement van binnelandse sake is besig om op te tree teen buitelanders wat met Suid-Afrikaners trou met die hoofdoel om Suid-Afrikaanse burgerskap te bekom, asook teen lugdienste wat onwettige immigrante die land in vervoer.

Dit blyk uit antwoorde deur die minister van binnelandse sake, dr. Aaron Motsoaledi, op skriftelike parlementêre vrae deur twee parlementslede van die opposisie, te wete Liezl van der Merwe (IVP) en Joe McGluwa (DA).

Van der Merwe het spesifiek oor die huwelike gevra en McGluwa oor die lugdienste.

In antwoord op Van der Merwe se vraag het die minister gesê die departement het ’n teenkorrupsie-eenheid wat onder meer spesifiek fokus op sulke gerieflikheidshuwelike om burgerskap te bekom.

Die afgelope vier jaar is 84 sulke voorvalle aan die eenheid gerapporteer.

Van hierdie sake is 59 afgehandel en 16 het reeds op suksesvolle vervolgings uitgeloop. Die ander nege sake word nog ondersoek.

Die departement se stelsels vereis telkens biometriese identifikasie van gebruikers, wat beteken dat die owerhede baie suksesvol is met die aankeer van amptenare wat onwettig optree.

In antwoord op McGluwa se vraag het die minister gesê agt lugdienste is boetes opgelê omdat hulle ongedokumenteerde buitelanders na Suid-Afrika vervoer het.

Die lugdiens met die meeste uitstaande boetes hiervoor is Emirates met R9,63 miljoen, gevolg deur SAL (R6,6 miljoen), die Ethiopiese lugdiens (R5,76 miljoen), Kenya Airways (R2,73 miljoen), British Airways (R2,325 miljoen), Qatar‑lugdiens ((R1,77 miljoen), Air Rwanda (R1,44 miljoen) en Etihad Airways (R1,11 miljoen).

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

23 Kommentare

Karlahari ·

Baie makliker om na Maseru te vlieg en dan net doodluiters deur Maseru brug grens pos te ry sonder om te stop.
Of as die nood werklik druk dan stap jy deur die Caledon rivier

A ·

Ek vermoed as ons van al die onwettige immigrante ontslae kan raak sal ons werkloosheid, behuising ens. ens. ook makliker opgelos kan word.

Ben Parsons ·

Is dit dan nie die doane amptenare (wat in elkgeval vir die staat werk) wat hierdie mense deurlaat tot by die vliegtuig nie. Lugrederye vervoer net die mense.
Net nog ñ manier om geld van iewers af te kry en……….. ja.

sweis ·

Soos hulpbronne minder word gaan lande strenger optree teen afrika immigrante wat wettig of onwettig lande binnekom wat nie eers genoeg hulpbronne het vir hulle eie mense nie

Peet ·

Goeie genugtig. Die vorige minister (die een met die funny klere) het feitlik ondeurdringbare toelatingsvereistes ingestel vir buitelanders wat inkom as toeriste terwyl die lekkende sif aan ons noordelike grense ongesteurd voortgaan. Kan die bysiendes nie die olifante in die kamer sien nie. As jy kan betaal is als in ons land te koop – selfs burgerskap. Met SASSA die lot. En wie betaal?

Maljan ·

Nou ekke….. Ek sou graag van die betrokke lugdienste wou hoor oor die boetes. Nie van Sal nie. Netnou moet die belastingbetaler nog vir die antwoord ook opdok. Ek kan nie navraag doen nie, dalk kan MM?

Jacques ·

Die SAL is tweede op die lys , maw ons as belastingbetalers moet alweer opdok vir ander mense se foute ? Mense wat nie bevoeg is om hulle werk reg te doen nie . Dit is nou nie meer snaaks nie , as mense hulle werk reg doen sal mens ook verder kom in die land .

Louis ·

Dit help miks om boetes op te le as dit nie gevorder word nie. Ek is seker van die lugrederye is finansieel is staat is om ‘n boete te betaal maar die ander????!!!!Aikona no money

A Klaassen ·

Het oorsee gebly en kan gladnie verstaan hoe die lugredery kan verantwoordelik gehou word vir die ou wat onwettig die land binnekom nie. As hulle van Afrika af kom mag hulle inkom sonder visa, net met paspoort. Hoe weet jy of hy beplan om weer huis toe te gaan?

marous ·

En waar trou hulle ? Binne in sy departement se kantore ! Wie moet dit ondersoek ? Sy eie mense ! Wat gaan hy doen ? Hartseer en geskok voorkom !

Speedguard ·

Verseker Marous, by Ranburg se binnelandse sake het dit op ‘n stadium soos die Chineese ambasade gelyk met al die huwelike en fotograwe om die serimonie op film vas te le, sodra die eerst groep klaar is klim al die vrouens in ‘n Taxi en daar gaan hulle ! Dit was verstommend om dit te sien , almal wat daar werk was deel van die “Party” ,so ooglopend ‘n mens met ‘n plank bril kon sien daar is iets nie reg nie!

nou toe nou ·

En intussen is al die grense wawyd oop. En hy bekommer hom oor die wat met vliegtuie inkom, regtig?

Sarel ·

Die regering moet ophou om die mense in te voer so maklik soos dit.

John ·

Daar is ‘n magdom van planne wat uitlanders uitdink om SA-burgers te word, met maklik 20 miljoen uitlanders wat sedert 1994 hierheen uitgewyk het… wat deesdae onder ons welsprekende parlementslede kan tel. Ons het ‘n bevolksingsontploffing beleef ten spyte van vigs en ander erge kwale. Trou en vlieg is ‘n druppel aan die emmer.

honourable member ·

Sjoe nou dat miljoene al so ID’s gekry het nou wil hulle iets doen. Bietjie laat hoor..

Leon ·

Vir ‘n paar blikkies Coke en ‘n paar pizzas sal ‘n amptenaar van Binnelandse sake vir jou ‘n huweliks sertifikaat reël met ‘n SA burger en dan, voila jy kan deur die grens kom sonder sukkel. Hier kan jy lekker leef en jy het ‘n SA burger se lewe mlekker opgemors want die kan nie ‘n nuwe ID kry of iets aankoop wat die eggenote se handtekening ook nodig het. Die indringer kry alles verniet deur die regering. Baie lekker.

Chris ·

Ek sou graag die statistieke wou sien van hoeveel van hierdie onwettige immigrante betrokke is by al die misdaad in ons land.

Vra maar net ·

Ek wil nou nie snaaks wees nie maar ek vlieg baie en woon in die buiteland.

Elke keer as ek op enige vlug inboek van watter lugredery word my paspoort van hoek tot kant bekyk om seker te maak ek het die korrekte visa/ permit ens vir die land waarnatoe ek reis.

My Suid-Afrikaanse paspoort is al selfs deurkyk vir ñ SA visa! So hoe de duiwel klim onwettige passasiers op daai vlugte???? Of is dit weer ñ SA regering geldmaak storie?

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.