Staatsaanklaer se selfdood: ‘Hy was ‘n inspirasie’

Louis Heunis. Foto: Facebook

Louis Heunis. Foto: Facebook

Louis Heunis (48), ‘n staatsaanklaer by die Kimberley-landdroshof, het glo Dinsdagoggend 11 verdiepings na sy dood gespring.

Kol. Priscilla Naidu, woordvoerder van die polisie in die Noord-Kaap, sê die voorval het kort na 9:00 Dinsdagoggend plaasgevind. Sy sê die gebeure rondom die voorval is nog nie duidelik nie maar dat geen vuilspel in die stadium vermoed word nie. Die polisie het ‘n geregtelike doodsondersoek geopen.

Maroela Media verstaan dat Heunis van die 11de verdieping van die departement van openbare werke se gebou op die hoek van Stead- en Knightstraat in die middestad gespring het.

Boodskappe van medelye stroom intussen op Heunis se Facebook-blad in. Paul van der Merwe het geskryf: “Rus in vrede my Oom. Ons gaan jou baie mis, jy sal nooit vergeet word nie. Dink en bid asb. vir die res van die familie.” Christine Reuter het geskryf: “Baie hartseer om te hoor. Sy lewe was vir my net een groot inspirasie – kon altyd na hom luister en opkyk.”

Carol Smith het haar skok oor die voorval uitgespreek: “Kan dit nie glo nie. Jy was altyd vir my ‘n inspirasie met jou woorde, sang en menswees. Rus in vrede Louis.”

Die voorval het glo by die gebou in die middestad plaasgevind. Foto: Google Street View

Die voorval het glo by die gebou in die middestad plaasgevind. Foto: Google Street View

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Lizette du Plessis ·

Ek het altyd eerste Louis se kommentaar in die Volksblad se briewe kolom gaan opsoek! Dit was altyd ‘n inspirasie en ek gaan dit mis. Rus in vrede Louis.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.