Staatsbegrafnis vir geliefde aktrise

Shaleen Surtie-Richards.

Alan Winde, die Wes-Kaapse premier, het pas aangekondig dat pres. Cyril Ramaphosa sy versoek vir ʼn staatsbegrafnis vir die ontslape aktrise Shaleen Surtie-Richards goedgekeur het.

Winde het vroeër vandeesweek aangedui dat hy aan Ramaphosa gaan skryf om ʼn spesiale provinsiale begrafnis vir Surtie-Richards te versoek. Dié versoek is wyd ondersteun, ook deur Surtie-Richards se familie.

Surtie-Richards het Maandagoggend in die ouderdom van 66 gesterf. Sy was bekend vir haar vertolking van die rol van Nenna in die destydse M-Net-sepie Egoli en Fiela Komoetie in die oorspronklike rolprentweergawe van Fiela se kind.

“Ek kan aan geen beter manier dink om iemand te vereer wat soveel bygedra het tot ons provinsie en die land se kreatiewe gemeenskap en bedryf nie. Die nasie het ʼn reus verloor wat onthou sal word vir haar ongelooflike talent en bydrae,” het Winde gesê.

“My medelye gaan uit na haar familie, vriende en geliefdes gedurende hierdie moeilike tyd.”

Die begrafnis word Sondag 13 Junie regstreeks op eNCA, DStv-kanaal 403, uitgesaai. Die diens begin om 14:30.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
Elizabeth

Beteken iets vir die lewende. ñ Staatsbegrafnis is ñ status simbool vir wie? Dit baat haar niks.

Adri

Ek ontken nie dat sy ‘n goeie akteur was nie, maar ‘n staatsbegrafnis vir ‘n akteur?? Skep ons nie nou hier ‘n gevaarlike presedent nie?

S'kgaapie

Awesome!

Sarel

My eerste reaksie is vir die Familie….geen Privaatheid
Tweeddns jy skep nou weer in SA ‘n gevaarlike gewoonte

Kobus

Ja sy was n goeie aktriese maar waaragtig n staat begrafnis ek het hasr nie so goed geken dat ek daarvoor moet betaal nie nie eers familie nie