Staatskaping: Derde volume verwag

Pres. Cyril Ramaphosa by die Zondo-kommissie van ondersoek na staatskaping. (Foto: Elmond Jiyane, GCIS)

Die presidensie sal na verwagting later vandag formeel die derde volume van die verslag van die geregtelike Kommissie van Ondersoek na Bewerings van Staatskaping, Korrupsie en Bedrog in die Staatsdiens, ontvang.

Die presidensie sal dié deel van die verslag publiseer kort ná dit aan die direkteur-generaal in die presidensie, Phindile Baleni, oorhandig is. Die sekretaris van die kommissie, prof. Itumeleng Mosala, sal die verslag omstreeks 17:30 aan Baleni oorhandig. Die verslag sal na verwagting teen 19:00 vrygestel word.

Die voorsitter van die kommissie, adjunkhoofregter Raymond Zondo, het die eerste deel van die verslag op 4 Januarie 2022 aan pres. Cyril Ramaphosa oorhandig. Die tweede volume is op 1 Februarie 2022 aan die presidensie oorhandig.

Die Pretoriase hooggeregshof het onlangs twee maande (tot die einde van April 2022) uitstel vir die kommissie gegee om sy werk af te handel.

Die hooggeregshof het gevolglik ook uitstel van vier maande van die ontvangs van die finale deel van die verslag vir die president gegee om ʼn implementeringsplan aan die parlement voor te lê in reaksie op die bevindings van die verslag.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

3 Kommentare

jongste oudste gewildste
Marius

Kom ons kyk of ons president murg in sy pype het en of hy net ‘n leë blik is…

pieter

Dieselfde ou stories dag na dag , hulle het deel gehad aan die kaping , hoekom het hy geen poging aangewend as adjunk president nie .
Wil jy vir my se hy niks geweet het nie ?.
Hulle het klaar die land verwoes.