Staatsrede 2017: Polisie keer betogende pro-Zuma-studente

Polisiebeamptes by die staatsrede 2017 Foto: ANA

Polisiebeamptes by die staatsrede 2017 Foto: ANA

Polisiebeamptes moes Donderdag bontstaan om ʼn skare betogende studente te keer voor pres. Jacob Zuma se staatsrede by die parlement in Kaapstad.

Die groepie jongmense, hoofsaaklike leerlinge geklee in skooluniforms, het plakkate rondgeswaai en het krete geskree om Zuma te ondersteun. Hulle het opposisiepartyleiers soos Julius Malema van die Ekonomiese Vryheidsvegters en Helen Zille van die Demokratiese Alliansie uitgejou en beledig.

“Laat ons toe om binne te kom en Malema te hanteer,” het van die betogers geskree toe polisiebeamptes, in onluste-uniforms, hulle teruggedruk het.

Van die studente het rommel na die polisiebeamptes gegooi.

Studente is teen 18:00 teen hul sin tot by die kruising van Darling- en Corporationstraat teruggedruk.

Zuma se staatsrede begin na verwagting om 19:00.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.