Staatsrede 2017: ‘Wittes kry skuld vir ANC se mislukkings’

Pres. Jacob Zuma tydens sy staatsrede op 9 Februarie 2017 (Foto: Ngizozo Jiyane, GCIS)

Pres. Jacob Zuma tydens sy staatsrede op 9 Februarie 2017 (Foto: Ngizozo Jiyane, GCIS)

Die VF Plus het Vrydag gesê pres. Jacob Zuma se staatsrede openbaar niks prakties wat Suid-Afrika se ekonomie sal laat groei nie en sy fokus op wit mense asof hulle die ekonomie beheer, steeds die topposte beklee en steeds meer verdien as swartes, is niks anders nie as ʼn rassistiese aanval op witmense nie.

Dr. Pieter Groenewald, leier van die VF Plus, het gesê die president misbruik wit mense as ʼn rookskerm om sy eie onvermoë en onbevoegdheid weg te steek.

“Hy moet eerder ʼn moratorium plaas op regstellende aksie (RA) en swart ekonomiese bemagtiging (SEB) om die ekonomie te laat groei. Dit is jammer dat soveel struikelblokke in wittes se pad geplaas word, aangesien hulle graag ʼn bydrae wil lewer om die ekonomie te laat groei en werk te skep,” het Groenewald in ʼn verklaring gesê.

“Al wat pres. Zuma in sy staatsrede gesê het oor die sogenaamde radikale ekonomiese transformasie, is die besluite wat die ANC in Januarie by sy bosberaad geneem het, wat dit duidelik maak dat die ANC se belange eerste gestel word en nie die land s’n nie.”

Groenewald het gesê wat grondhervorming betref, skep die president ook verder onsekerheid as hy sê hy gaan die Onteieningswet aanwend om grondhervorming te bespoedig en dit sal net voedselsekerheid bedreig.

“Daar is instellings wat reeds gesê het hulle gaan die wettigheid van die Onteieningswet in die Grondwethof betwis. Die enigste manier waarop die ANC grondhervorming kan bespoedig, is om van die omslagtige burokrasie en onbevoegde amptenare ontslae te raak en die beginsel van vrywillige koper/vrywillige verkoper, toe te pas.”

Hy het gesê ten minste 5% van Suid-Afrika se landbougrond is jaarliks op die ope mark beskikbaar en met die heersende droogte, is daar boonop baie plase wat vir selfs minder as markwaarde beskikbaar is.

“Dit is duidelik dat die ANC die grondkwessie totaal verpolitiseer om mee te ding met die EFF. Dit jaag emosies op en is ʼn resep vir wrywing en onstabiliteit in Suid-Afrika,” het Groenewald afgesluit.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

45 Kommentare

jongste oudste gewildste
pieter

HY moet seker maak iemand blameer PATETIESE ANC EN EFF.

cor

Dit is niks nuut nie, n politieke kommentator het in 1993 al gese ons sal nog baie jare hoor dit is apartheid se skuld. Ook wil die regering nie droogte plase he nie maar slegs die goed bewerkte plase want daar word gereken dit sal vanself sonder harde werk goeie obrengste lewer. Net soos die hoenderplaas aan die oosrand waarvan Maroela media berig het.

Johanna Botha

Dis al SO holrug gery …kry ASB iets anders want dit ook werk nie meer nie …navorsieng het duidelik bewys dat die meeste mense eintlik baie goed met mekaar regkom en dat ons almal mekaar nodig het …lees of sien die anc hierdie studies ooit …oops seker ja maar met n std 3 …mmm ok nou verstaan ek ….

Elize

Na gisteraand se gratis sirkusvertoning in die parlement.het ek afgryse geluister wat Zuma op sy hart het.niks niuts nie.elke jaar dieselfde storie. Dis nie ons wat fout maak nie dis die wittes. Asb se daai een wat Zuma se toespraake skryf.moet nou weer iets anders probeer.elke jaar dieselfde ou storie.

Riaan

90% van die belastingbetalers het nie vir die regerende party gestem nie…