Staatsrede 2019: Ramaphosa moet ‘krisisbestuur’ doen

Pres. Cyril Ramaphosa. (Foto: GCIS)

Terwyl pres. Cyril Ramaphosa voorberei vir sy staatsrede, sê Steven Nathan, uitvoerende hoof van 10X Investments, wat hý by die president wil sien, is ʼn sogenaamde krisisplan.

“Hy moet krisisbestuur doen. Die land is in ʼn krisis. Dinge vererger en vinnig. Ons finansies lyk haglik, kyk na die belastinginkomste. Eskom se laste beloop honderde miljarde rand. Ons het ʼn krisisreaksie nodig,” het Nathan gesê.

“Ons het almal gehoop vir ingrypende optrede ná die verkiesing, maar tot dusver voel dit of daar nog steeds stemwerwery gedoen word en daar nie veel optrede is nie. Ek hoop Donderdag se toespraak verander dít.”

Ramaphosa lewer Donderdag sy staatsrede.

Die presidensie het gister gesê Ramaphosa het met lede van Eskom se raad vergader en gaan stappe aankondig om die kragvoorsiener se benarde finansiële posisie te probeer omkeer en operasionele volhoubaarheid te verseker.

In Februarie het Ramaphosa gesê Eskom gaan in drie eenhede opgedeel word om koste te verminder, sy balansstaat te help balanseer en om sodoende krediteure te nader.

Nathan het gesê hy sou minder praatwerk en meer beslissende optrede wou sien en stel voor dat Ramaphosa in dié opsig met staatsbeheerde ondernemings (SBO’s) begin.

“As hy beslissend met SBO’s soos die Suid-Afrikaanse Lugdiens optree, gaan dit reeds ʼn goeie begin wees. Dit moet makliker wees om die probleme by SBO’s uit te stryk as hulle, anders as staatsdepartemente, kommersiële oogmerke het. Dit moet ingevolge kommersieel sinvolle en meetbare standaarde bedryf word,” het Nathan gesê.

“As kommersiële standaarde vir byvoorbeeld SAL gestel word en daar daadwerklike optrede is om dit te implementeer, gaan dit reeds ʼn goeie begin wees.

“Dit sal dui op die regering se bedoeling om sake reg te stel en om probleme op te los, eerder as dat dit net politiekery is wat nie oorgaan in optrede en resultate en ʼn beter land vir Suid-Afrikaners nie.”

Nathan het oproepe vir geduld en argumente dat Rome nie in een dag gebou is nie, of dat Ramaphosa se hande eintlik afgekap is en hy teruggehou word deur diegene om hom, afgemaak.

Hy het gesê dit is tyd vir Ramaphosa om sy gesag in die regering af te dwing en te fokus om inklusiewe groei te verseker.

“Die rol van ʼn leier is om hom te omring met die regte mense en vir die regte redes, nie die verkeerde mense vir die verkeerde redes nie,” het Nathan gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Michael P

Hy praat net en se eintlik niks.

sweis

Wat is die kans dat hy die regte ding doen en alle diskriminerende wette teen jong wit mense wie al 25 jaar oud is skrap die BEE en swartbemagtigingsgroep breek die ekonomie en is net soos apartheid n euwel.

Manie

Ek wonder partykeer of CR nie meer pateties is as die vorige pateet

GR

Hierdie staatsrede gaan net mooi niks doen om die land se ekonomie te red nie geen land gaan in SA bele voordat hierdie sinnelose moorde en misdaad nie gestop word nie,die belasting betaler in hierdie land is reeds basies bankrot en dit is die enigste mense waar die regering kan geld gryp om al hulle skuld te betaal want die buiteland gaan nie hier bele nie

mc

“Same old, same old” niks nuuts nie – net hier en daar iets om ons blankes nog meer te vernietig.