Staatsveiligheid distansieer hom van ‘wilde bewerings’ teen ANC-LP

Dr. Xiaomei Harvard (Foto: Xiaomei Harvard/Facebook)

Die adjunkminister verantwoordelik vir staatsveiligheid in die presidensie distansieer hom van “wilde bewerings” teen Xiaomei Havard, ʼn ANC-LP.

“Die agentskap neem kennis en neem aanstoot teen die News24-artikel dat hulle in besit is van ʼn SSA-verslag dat Havard waarskynlik vir China spioeneer,” het adjunkminister Zizi Kodwa in ʼn verklaring gesê. “Die agentskap distansieer homself van dié kwaadwillige vals nuus wat deur die mediaplatform versprei word met bymotiewe om die integriteit van die agentskap te diskrediteer en te ondermyn.”

Hy sê die agentskap is bewus van inligting wat doelbewus deur gewetenlose lede en eksterne ondermynende magte versprei word om die integriteit van die agentskap skade te berokken.

“Die agentskap word bestuur deur die Wet op Intelligensiedienste en die Wet op Nasionale Strategiese Intelligensie. Dié wetlike instrumente is ontwerp om nie net die mandaat van Intelligensie uit te stippel nie, maar ook om sy integriteit en dié van sy burgers te bewaar en te beskerm. Ons veroordeel dus ten sterkste die aanval op die integriteit van me. Havard en die kwaadwillige uitbeelding van die Chinese regering as vyandig jeens Suid-Afrika se nasionale sekuriteit.”

Kodwa sê Havard, net soos enige ander Suid-Afrikaner, is geregtig op die regte in die Handves van Menseregte soos wat dit in die Grondwet vervat is. “Suid-Afrika geniet ʼn vriendskaplike verhouding met China wat gebou is deur solidariteit, vertroue en menswaardigheid oor jare se probleme in Suid-Afrika en die kontinent. China bly een van die belangrikste ontwikkelingsvennote van Suid-Afrika.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

24 Kommentare

jongste oudste gewildste
Frank

Ons hoor niks goed van die chinese nie.

Willem

Baie beslis baie verdàg!!!China besit lankal hierdie korrupte land!!!!!

Kokerboom

Weet die SVA OOIT iets? Gekaapte nuttelose instelling

Pieter

Het dit nog altyd gese en ek sal dit weer se n kommunis word skelm gebore. Kyk maar net hoe gaan dit hier in anc land.

SjN

Anc werk reeds vir China