Stadsrede: Talle strate in Pretoria gesluit

Die Tshwane-metro het Dinsdag gewaarsku dat die verkeer vandeesweek ontwrig gaan word deur talle strate wat in die middestad gesluit gaan word wanneer Solly Msimanga, burgemeester van die Tshwane-metro, op 12 April (Donderdag) die stadsrede gaan lewer.

Volgens ʼn verklaring van die Tshwane-metro sal dié tydelike sluiting van strate talle sakeondernemings én taxiroetes in die middestad nadelig raak.

Die strate word hoofsaaklik gesluit vir ʼn optog wat Donderdag om 08:30 in Burgerspark, op die hoek van Lilian Ngoyi- en Jeff Masemolastraat, gaan begin.

“Die strate waarlangs die optoggangers gaan beweeg sal gesluit word vir die duur van die optog, maar weer heropen word wanneer die straat skoon is,” lui die verklaring.

Dié strate word tydelik geraak:

  • Jeff Masemolastraat
  • Minnaarstraat
  • Burgersparkweg
  • Visagiestraat
  • Nana Sitastraat
  • Francis Baardstraat
  • Pretoriusstraat
  • Johannes Ramokhoasestraat
  • Helen Josephstraat

Lilian Ngoyistraat, Madibastraat en Sisulustraat sal tussen 05:00 en 16:00 gesluit wees. Motoriste word ook aangeraai om Helen Josephstraat en Thabo Sehumestraat te vermy.

Metropolisie sal deur die loop van Donderdag dié strate in die middestad monitor en verseker dat verkeer wat wél in die omgewing beweeg, gereguleer word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Reguit ·

Amper lees ek “statsrede”… maar gelukkig toe dien ek dit is “stadsrede”. Klink seker reg genoeg.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.