Stakende werkers veroorsaak chaos by hospitaal

Stakende werkers het glo chaos by die Charlotte Maxeke-hospitaal in Johannesburg veroorsaak. Foto: ANA

Die DA het Sondag die optrede van stakende werkers by die Charlotte Maxeke-hospitaal in Johannesburg veroordeel nadat die werkers glo vullis, insluitend mediese afval, in die gange van die hospitaal uitgegooi het.

“Hulle het verlede week chaos by die hospitaal veroorsaak en Dinsdag moes die polisie rubberkoeëls afvuur om hulle uitmekaar te jaag,” het Jack Bloom, DA-lid van die Gautengse wetgewer, gesê.

“Ek het Donderdag die hospitaal besoek en hope vullis, insluitende mediese afval, aangetref wat op verskeie plekke uitgegooi is. Die koeldrankmasjien is ook omgegooi,” het hy gesê.

“Personeel het aan my gesê dat die betogende werkers deur die sale gegaan het, hulle geïntimideer het en bedrywighede ontwrig het. Baie operasies moes gekanselleer geword het weens ʼn tekort aan skoon linne.”

Volgens Bloom is die meeste van die betogers lede van die National Education, Health, and Allied Workers’ Union (Nehawu), insluitend verpleegsters, skoonmakers en portiere, maar daar was ook mense van buite betrokke.

Volgens Bloom was daar EFF-ondersteuners onder die hospitaalwerkers wat gestaak het.

Hy het gesê die betoging het gegaan oor die niebetaling van oortydgeld en prestasiebonusse en die werkers beweer dat die bestuur nie met hulle oor dié kwessies kommunikeer nie. “Hul besware kan moontlik geldig wees, maar om ʼn hospitaal om te keer en die veiligheid van pasiënte in gedrang te plaas, kan nie onder enige omstandighede toegelaat word nie,” het hy gesê.

“Die Gautengse departement van gesondheid moet ʼn hofinterdik teen hierdie onwettige optrede kry en die polisie moet die mense in hegtenis neem wat gewelddadig optree.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
Hanna

Ek is self in die verpleeg beroep en wat hier gebeur is absoluut onmenslik! Ons het immers n eed afgele… Maar nou ja, weereens bewys die EFF wat hulle nou eintlik werd is. En hoeveel hulle vir die “poor masses” omgee. I rest my case.

Gerhard Bezuidenhout

En wat gaan nou met hiedie werkers gebeur . Gaan hulle maar aanhou werk of gaan hulle afgedank word . Hulle is terroriste wat nooit vertrou kan word om na weerlose siek mense om te sien nie.

humor

Vanaf Taiwan terug na die harde werklikheid in SA.

Gus

Afrika. Dis al.

Manie

Ek wonder dikwels op grond van watter feite minister Sisulu na Suid-Afrika verwys as ‘n “beskaafde” nasie. Ek gaan liewer saam met pres. Donald Trump as hy na SA verwys as ‘n “sh*thole”. Dit is nader aan die waarheid.