Staking by Rand Water opgeskort

water-kraan

(Argieffoto: pixabay)

Die arbeidshof in Johannesburg het Woensdag ʼn dringende aansoek deur Rand Water aangehoor in verband met ʼn staking wat die munisipalewerkersvakbond Samwu beplan het.

Die hof het bepaal dat Samwu sy kennisgewing tot staking moet terugtrek, hangende die uitslag van verrigtinge by die Kommissie vir Versoening, Bemiddeling en Arbitrasie (KVBA) wat vir 28 April 2021 geskeduleer is.

“Rand Water het ʼn goeie verhouding met sy vakbonde, gebaseer op die konsep dat goeie arbeidsverhoudinge fundamenteel is tot goeie korporatiewe bestuur,” het Justice Mohale, woordvoerder van Rand Water, in ʼn verklaring gesê. “Ons bly verbind daartoe om met die vakbond in gesprek te tree om ʼn oplossing te kry.”

Rand Water se diens aan sy kliënte sal dus nie onderbreek word nie.

ʼn Boodskap is vroeër op sosiale media gedeel waar Gautengers gewaarsku is dat ʼn staking moontlik tot watertekorte in die provinsie kan lei.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

4 Kommentare

jongste oudste gewildste
Persheks Adri

Die “demands” is in elk geval verregaande! Dis teen die grondwet om ons water te stop in elk geval so regtig waar die klomp patete kan net moles maak pffft

JM

Om die water af te sny is poging tot moord, maar wat gee SAMWU om?

Piet parys

Of hulle nou staak of nie maak nie saak nie want die resultate is dieselfde . Water verskaffing en vuil riviere is nog steeds n ramp .