Argieffoto
Werknemers by Rand Water kan dalk staak en dit kan ʼn invloed op watervoorsiening hê, het ʼn vakbondverteenwoordiger Vrydag gesê.
“Die maatskappy is besig om te herstruktureer en die bestuur en personeel bots oor die noodsaaklike-dienste-ooreenkoms en wie daardeur gedek word,” het Andre Venter, woordvoerder vir die vakbond United Association of South Africa (UASA), gesê.
Die saak is Dinsdag na die Kommissie vir Versoening, Bemiddeling en Arbitrasie verwys.
“In plaas daarvan om aan ʼn konstruktiewe debat en onderhandelings deel te neem, het die uitvoerende hoof besluit om eerder werknemers te dreig met afdankings indien hulle aan ʼn staking sou deelneem,” het Venter bygevoeg. “Hierdie houding is verlede jaar ook tydens die loononderhandelinge opgemerk.”
Venter het gesê gegewe die ekonomiese klimaat is ʼn staking nie die beste opsie nie, maar sonder konstruktiewe besprekings wil dit voorkom of ʼn volskaalse staking onafwendbaar is.
Rand Water-bestuur het versoek dat die partye Maandag, 17 Augustus, weer vergader.
© RDM News Wire
Stem betaal almal wat staak af,want hulle gee die belating betaalers groot on gerief en kos hulle baie ,stel eerder mense aan wat wil werk en hul werk eerste stel.
Ek se ook betaal die stakers af. Daar is mense wat wil werk. Moeg vir stakende oproeriges.