Staking in petroleumbedryf verskerp

Argieffoto

Argieffoto

Lede van die vakbond Ceppwawu sal vandag buite brandstofdepots en sommige farmaseutiese maatskappye in vier provinsies betoog as deel van die vakbond se landwye staking.

Simon Mofokeng, die sekretaris-generaal van Ceppwawu, het Woensdag gesê daar sal betogings en optogte in Gauteng, Mpumalanga, KwaZulu-Natal en die Wes-Kaap gehou word.

“Dit is in ooreenstemming met die vakbond se besluit om die betoging teen die werkgewers te verskerp,” het Mofokeng gesê. “Die vakbond eis ʼn 9% [salarisverhoging] en die werkgewers weier om te voldoen aan die werkers se eise. Die KVBA [die Kommissie vir Versoening, Bemiddeling en Arbitrasie] sal ʼn artikel 150-ingryping tussen die vakbond en die werkgewers bewerkstellig.”

Vakbondlede het op 28 Julie begin staak in ʼn poging om werkgewers te dwing om aan hul looneise toe te gee. Afgesien van die 9%-salarisverhoging, eis die vakbond ook dat tydelike werknemers ná drie weke permanent aangestel word.

Mofokeng het gesê die grootste betoging sal in Secunda in Mpumalanga plaasvind. Provinsiale en plaaslike leiers van Cosatu sal na verwagting by die betoging buite Sasol aansluit.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Cryosphear

Sover ek weet volgens wet is dit 3 maande voordat werkgewers werkers moet permanent aanstel

Annemarie

Na 3 weke het ñ nuwe werknemer skaars nog sy/haar voete gevind! Dan moet die werknemer nog kan bewys dat hy die werk kan doen of dat verdere opleiding nodig is. Selfs in 3 maande se tyd is dit nie altyd voldoende tyd om ñ werknemer op te lei of te sien of hy/sy die pos na behore kan vul nie! Soms kom hul ware vaardighede (of gebrek daaraan) eers binne ñ jaar na vore! Belaglike eise! Geen wonder die werkloosheid syfer is so hoog! Maatskappye meganiseer eerder!!!

snoefie

dis nou al jare aan die order van die dag dat (wit) werknemers dikwels jare by n firma werk sonder om permanent aangestel te word. hierdie praktyt is n euwel. al werk die mens vir die firma word sy werkgewer betaal wie dan tussen 50% en 75% van daardie geld in eie sak steek. maar die witmens is mos maar te dankbaar om werk te he. LETS FACE IT, NIEMAND GEE OM VIR DIE WITMENS SE REG NUE.

Izak

Wat die 9% aan betref, dink ek is billik. In die laaste jaar het kruideniersware met baie meer gestyg, die 3 weke affere is belaglik.

lynette

Hoog tyd dat ons n Helen Thatcher kry wat vakbonde verbied. Hulle us die grootste euwel in enige land!!!! Ek glo hulle is kommunisties geinspireerd en wil lande op hul kniee dwing.