Vier verdagtes wat danksy ʼn dapper huisvrou van Standerton in Mpumalanga op heterdaad betrap is, bly in aanhouding, het @inkMedia, ʼn plaaslike mediahuis, berig.
Die verdagtes het in die Standerton-landdroshof verskyn en die saak is uitgestel. Hul aansoek om borgtog is afgekeur. Volgens @inkMedia het kapt. Mark Nortjé, ondersoekbeampte, gesê hulle samel nog bewyse in.
Die vier mans is Woensdag in hegtenis geneem kort nadat hulle by Hester van Niekerk se huis ingebreek het. Sy was besig om huistakies te verrig toe die mans toegang tot die erf gekry het deur die elektroniese hek se motor te ontkoppel. Sy het dadelik Kasselman Guarding Services geskakel en die selfoon in haar broeksak gedruk.
Die veiligheidsdiens het dadelik reageer en een van die veiligheidswagte het die mans op heterdaad in die huis betrap. Die Standerton-polisie het ook kort daarna by die toneel opgedaag en die mans in hegtenis geneem.
Bron: @inkMedia
Ek is bly hulle aansoek om borgtog is afgekeur – iemand in ons regstelsel het ‘n bietjie breins!!
In die huis betrap en hulle is vermetel om om borgtog te vra? Hoe sou hulle verduidelik wat het hulle daar gedoen! Soos Christa sê, iemand in ons regstelsesl het ‘n bietjie breins. (Van die ander het hopelik meer!)
Bravo vrou en 5 sterre aan die sekuriteits maatskappy vir oudae se goeie pure SA diens. Borgtog huh? Rerig mens sou sweer hul was genooi vir koek en tee. Kort meer sulke regsmense wens ding soos borgtog word geskraap. Moet soos volg werk gevang-skuldig-vonnis sonder regte uit en gedaan.