Stappe kom ná man hond se karkas in straat gooi

‘n Skermskoot uit die video wat op sosiale media versprei word.

Die Dierebeskermingsvereniging (DBV) in Sandton het Woensdag gesê hulle het reeds die identiteit vasgestel van die man wat op kringtelevisiebeeldmateriaal vasgevang is toe hy ʼn hond se karkas in ʼn straat in Kensington in Johannesburg gestort het.

Die beeldmateriaal, wat op sosiale media versprei word, toon hoe ʼn man in ʼn straat in Kensington stilhou en die kattebak van sy motor oopmaak. Hy stap dan stadig na die agterkant van die motor en kyk rond of iemand hom sien, voordat hy die karkas van ʼn hond in die straat gooi, vinnig in sy motor klim en wegry.

Volgens die Sandton DBV werk die man vir ʼn groot prokureursfirma in Sandton. “Ons wil graag ons ondersteuners verseker dat die saak ons volle aandag geniet. Ons is in besit van die volledige besonderhede van die individu. Ons het kontak gemaak met die prokureursfirma [waar hy werk] en wag op terugvoer van die voorsitter van die firma om ʼn vergadering te belê,” lui ʼn inskrywing op die DBV se Facebook-blad.

“Ons sal julle ingelig hou van ons vordering met die saak.”

Volgens mediaberigte sal die DBV strafregtelike aanklagte teen die man aanhangig maak.

Maroela Media het die Sandton DBV genader vir meer inligting en wag op terugvoer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

36 Kommentare

jongste oudste gewildste
Johan. H.

Hier is iets nie lekker nie, ,, Gooie n baba op n fulleshoop, in asblik , Maar oooo wee, netnie n hond nie,,, Ek praat dit nie goed nie,, Maar wie se hond is dit,

wielie

Ja nee ….. gooi die babas weg Maar nie die hond nie ……. jy kan moor vir n foon of n paar rand ….. maar moenie n hond ini straat gooi nie!!!! Net in SA

christa

deesdae word enigiets op die sypaadjies gegooi. Van kaste en banke, en lyke, en karkasse en wat nog. Die dorpe lyk deesdae soos vullishope. Waar is die dae wat die strate nog skoon gehou is en elkeen trots was op die sypaadjie voor sy erf.

Willie

Ho edoen n mens dit, die honde kinders verdien dit nie… geen respek nie…

christa

as daar so met die karkas gewerk is, kan jy net wonder hoe is daardie dier behandel toe hy nog gelewe het. My honde is my kinders en sal waardig begrawe word soos my kat ook begrawe is. Party mense is nie ‘n dier se liefde werd nie