Die Gewelberge (Twaalf Apostels) naby Kampsbaai in Kaapstad soos gesien vanaf Leeukop Foto: Warrickball via Wikimedia Commons
ʼn Stapper wat Donderdag ongeveer 10 meter ver geval het in die Gewelberge (Twaalf Apostels)-gebied naby Kampsbaai in Kaapstad, is in ʼn kritieke toestand.
“Die 32-jarige man het in ʼn steil, klipperige gebied geval,” het Chitra Bodasing, woordvoerder van ER24, gesê. “Die Skymed-helikopter is ontbied en reddingsbeamptes en paramedici is na die toneel geneem om die man te stabiliseer en die man van die berg af te red.”
Die man het kritieke beserings opgedoen.
Hy is na ʼn hospitaal geneem vir verdere mediese behandeling.
