Stappie nader aan grondonteiening sonder vergoeding

grondwet-argieffoto-02

Foto: Esté Meyer Jansen/Maroela Media.

Grondonteiening sonder vergoeding is nou nog ʼn stap nader daaraan om ʼn werklikheid te word nadat LP’s Donderdagoggend ten gunste van die voorgestelde wysiging aan die Grondwet gestem het.

Die parlement se grondwetlike hersieningskomitee het vanoggend die verslag, waarin aanbeveel word dat die Grondwet gewysig moet word om uitdruklik voorsiening te maak vir onteiening sonder vergoeding, aanvaar. Twaalf LP’s het ten gunste van die voorgestelde wysiging gestem en vier daarteen.

Dié wysiging is deur die ANC en die EFF ondersteun en gedryf. Ná maande se openbare verhore en honderde duisende insette wat oor die omstrede kwessie ingedien is, het die EFF ook sy aanbevelings voorgelê wat in die konsepverslag ingesluit moet word.

Julius Malema het gesê grondonteiening sonder vergoeding moet wettig wees om die foute van die verlede “wat veroorsaak is deur willekeurige afneem van grond” reg te stel. Hy het gesê onteiening sonder vergoeding sal gelyke toegang tot grond tot gevolg hê en die meerderheid Suid-Afrikaners bemagtig om aktiewe deelnemers in grondeienaarskap en landbouhervorming-programme te wees.

ʼn Teenvoorstel oor die finale aanbevelings wat deur die DA ingedien is, is verwerp. Die party het daarop aangedring dat die artikel in die Grondwet waarin eiendomsreg verskans word “genoegsaam voorsiening maak vir progressiewe grondhervorming, restitusie en die beskerming van termyn en sekuriteit van grondregte”.

Die verslag sal nou aan die nasionale vergadering voorgelê waar dit gedebatteer sal word.

Na afloop van die vergadering het lede van die EFF gedans en gesing om die aanvaarding van die verslag te vier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

68 Kommentare

jongste oudste gewildste
Ellisras

Die vraag is of die ANC besef wat die ekonomiese implikasie is van dié. En die eenvoudige antwoord is dat hul bloot nie omgee nie.

Johnna

Nou ja dit is makliker gese as gedoen Mnre CP en JM jy vat nie n boer see grond wat wetting aan home behoort nie die grond behoort aan die Here aan geen men’s nie moenie te ver probeer gaan nie.

VanAfrika

Gaan nou alles vat waarvoor die blankes jare lank voor gewerk het en vir hul oudag gespaar het. Nog meer gaan nou in plakkerskampe opland. Kinders se erfinisse gaan nou net gevat word.

Thinus

Dit was te wagte omdat hierdie hele kommitee net een groot klug is. Die EFF en sy ongeskoolde trawante wat niks tot die ekonomie of belasting byda nie wil die grootse se he, maar wat die dom idiote nie besef nie is dat ‘n stuk grond jou nie ryk maak nie. Jy moet kan boer en nie een van hulle het ‘n clue hoe om te boer nie. Ciryl is besig om met vuur te speel ten gunste van stemme en die EFF en sy korruptes loop agteraan. Dom mense wat dom besluite maak gaan die land sy ondergang kos.

Johan H.

Dis hoekom malema nou polisie beskerming wil he,cr se plannetjies kom bymekaar,