Steeds geen nuwe regulasies vir restaurante

Daar is geen aanduiding van wanneer aansit-etes by restaurante hervat mag word nie. (Foto: pixabay)

Terwyl die persoonlikesorgbedryf juig omdat hy ná sowat drie maande weer mag sake doen, wag restaurante wat aansit-etes wil bedien steeds op regulasies daaroor.

Wendy Alberts, uitvoerende hoof van die Restaurantvereniging van Suid-Afrika (Rasa), het gesê hulle is ingelig dat daar onverpoosd gewerk word om die regulasies af te handel.

Pres. Cyril Ramaphosa het Woensdagaand aangekondig dat meer bedrywe voortaan toegelaat word om hul werksaamhede te hervat. Plekke soos casino’s, haarsalonne, hotelle en gastehuise word nou ook toegelaat om te heropen.

Vrydag is die regulasies vir die persoonlikesorgdienstebedryf in die Staatskoerant aangekondig wat beteken hulle mag onder streng voorwaardes weer heropen.

Die regulasies vir restaurante is egter steeds nie aangekondig nie en daar is geen aanduiding van wanneer dit verwag kan word nie. In dié stadium mag etes dus steeds net afgelewer of self by eetplekke afgehaal word.

Verskeie restaurante het weens die verbod reeds hul deure permanent gesluit en daar is vrese dat talle ander dieselfde sal moet doen.

Alberts het gesê die bedryf hoop om dié week nog sy deure heeltemal te open.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
Scalla

Lagwekkend, jy en jou buurman mag nie saam braai nie maar jul kan gaan eet in Spur

Willem

En die gewag kan nog lank wees. Hulle gee nie om vir jou want hul kry elke maand hul salaris

Jan

Hoop dit maak die mense se oe oop. Die anc is rasisties en onbekwaam om hulle werk te doen.

Remlut

As jy nie wil werk nie sal daar altyd redes wees. Dink vir julle self en gaan aan

Jaco

Ek verstaan dat restaurante met wit eienaars moet toe bly. Seker maar deel van die ewige “straf” vir apartheid. Maar waarom moet restaurante met swart eienaars ook toe bly? Hulle velkleur is dan “reg”.
Dan ook, al word die wit eienaars nou ook “gestraf”, wat dan nou van al die swart kelners wat vir hulle werk? Hulle velkleur is mos ook “reg”. Iets maak nie sin nie. Waarom is our people se regering dan nou lelik met our people ook?