Steeds geen teken van vermiste baba

Abukhanyisile Sitebisa. Foto: Verskaf

Abukhanyisile Sitebisa. Foto: Verskaf

Die soektog duur nog voort na die eenjarige seuntjie wat verdwyn het nadat sy ouma hom glo alleen in ʼn veld naby Stutterheim in die Oos-Kaap gelos het.

Kapt. Siphokazi Mawaiza, polisiewoordvoerder, het Vrydag aan Maroela Media gesê die soektog duur voort en die polisie het ʼn beroep op die publiek gedoen om hulle by te staan om die kind te vind.

Maroela Media het Donderdag berig Abukhanyisile is Sondag omstreeks 08:00 alleen gelaat naby ʼn rivier in die Mbulelo-township naby Stutterheim.

“Die 42-jarige ouma het die kind na bewering daar gelos omdat die kind se ma nie na hom omgesien het nie,” het Mawaiza vroeër gesê.

Die voorval is Dinsdag by die polisie aangemeld. ʼn Soektog is van stapel gestuur, maar die kind kon nie opgespoor word nie.

Die ouma is in hegtenis geneem op aanklag van kinderverwaarlosing. Sy het Donderdag in die Stutterheim-landdroshof verskyn.

Die polisie het enigiemand met meer inligting oor die voorval of wat weet waar die baba is, versoek om sers. Ursheline Thompson van die King Williams Town-polisie se eenheid teen gesinsgeweld, kindermishandeling en seksuele oortredings, by 071 671 2713 of 043 642 1016 bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
Eliza-beth

So volgens die ouma kyk die ma nie na die kind en sommer sy dan ook nie. Wat van die arme kind (wat nie gevra het om gebore te word nie) na ‘n kliniek/hospitaal/kerk/welsynskantoor te neem? Nou word hy soos ‘n stuk papier eenvoudig weggesmyt. Hel….ek het nie woorde nie

Dedré

Hulle moet maar by die sangoma gaan soek. Ouma is nie so dom om hom net so te los nie. Sy het geld vir hom gekry.

Anita Steyn

Se my net hoe op aarde in vandag se gevaarlike tye los jy n kind alleen in die veld? Die ouma se die ma het nie na die kind gekyk nie nou wat het sy dan gedoen? Nee ek verstaan dit nie

Ben

Ek en my vrou het op ‘n keer per ongeluk ‘n grondpad tussen Idutywa en Queenstown geneem na Stutterheim wat toe net ‘n tweespoor geraak het, maar ons het wel beangs by Stutterheim uitgekom. Dit was skrikwekkend en daar loop ook wilde diere daar rond (die wat nog nie in die pot beland het nie). Dus kan die kind moontlik ge-eet geword het?

Poplap

Skokkend verby. Die Ouma hoort swaar gestraf te word. Dis nie ‘n hondjie wat jy buite los nie dis ‘n kind. Wat ‘n absolute tragedie dat sy hom so min geagte het dat sy hom net daar gelos het.