Steeds geen teken van vermiste bewaarder

Checker Mashego (Foto: Facebook)

ʼn Wildbewaarder wat presies twee weke gelede in die Krugerwildtuin vermis geraak het terwyl hy met ʼn roetinepatrollie besig was, is steeds soek.

Die wildbewaarder, Checker Mashego, het op 17 November in die omgewing van die Nsikazi-rivier in die Stolsnek-omgewing in die suide van die wildtuin vermis geraak.

Isaac Phaahla, woordvoerder van SANParke, sê daar is nog geen nuwe inligting oor sy verdwyning nie.

Mashego is by die Skukuza-polisiestasie as vermis aangemeld.

“ʼn Taakspan wat uit lede van die polisie en SANParke bestaan, is besig om sy verdwyning te ondersoek,” sê Phaahla.

“Ons hou sy familie deurentyd op hoogte van hoe die ondersoek vorder.”

Mashego se kollega het hom daardie dag as vermis aangemeld toe hy nie by die punt waar hulle ná die patrollie bymekaar sou kom, opgedaag het nie. Daar is deurnag na hom gesoek, maar sonder enige sukses.

Die wildtuin se helikopters, honde-eenheid en nog bewaarders help ook met die soektog.

Mashego was in sy uniform toe hy vermis geraak het. Hy het ook ʼn vuurwapen, selfoon en radio by hom gehad.

Enigiemand met meer inligting wat tot die opsporing van die bewaarder kan lei, kan die Skukuza-polisiestasie of SANParke se noodnommer by 013 735 0197/076 801 9679 skakel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

10 Kommentare

Swanie ·

Verstaan ek verkeerd . Die bewaarders stap aleen ? Tussen wilde diere en wild diewe????

Althes ·

Die radio en die vuurwapen? Ek dink nie die leeu sal dalk sy stewels verorber nie.

johanf ·

ń Leeu verorber nie alles soos ń vark nie, glo die ondersoekers sal wel die mis van verkeie roofdiere ondersoek, ek twyfel of die ń roofdier op land is……ek dink hier is ń heel ander storie, die tydperk raak net te lank, bv spoorsnyers, opspoor honde, lewer niks op…..

Casper ·

Dit maak nie vir my sin dat hy alleen op patrollie was nie.Hoe kan hy sommer net verdwyn.Ek glo stropers is vir sy verdwyning verantwoordelik.

Andréas ·

Wil voorstel dat hierdie bewaarders wat in uiters gevaarlike omstandighede (wilde diere, stropers en natuur) met opsporings apparaat toegerus word wanneer op patrollie…

Niklaas ·

Hy het heel moontlik afgekom op stropers , en is oorrompel . Die stropers sal ook nie sommer bewyse daar agterlaat nie , so mens kan maar net bespiegel.

Thea ·

Dit maak eenvoudig nie vir my sin dat bewaarders alleen patrollie doen nie. Daar is soveel gevaar daar buite en dit is ‘n groot risiko wat gevat word as hulle wel alleen uitgaan. Ek hoop vir die beste.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.