Stella-koshuismoorde: Ekskêrel weer in hof

Xander Bylsma. Foto: Facebook

Xander Bylsma (19), die man wat aangekla word van die moord op die vriendinne Sharnelle Hough (17) en Marna Engelbrecht (16) in hul koshuis op Stella, Noordwes, moet Maandag weer in die Vryburg-landdroshof verskyn.

Bylsma het op 28 Mei vlugtig in die hof verskyn. Hy het nie om borgtog aansoek gedoen nie en die saak is tot 6 Augustus uitgestel vir verdere ondersoek.

Sharnelle en Marna se liggame is op 26 Mei in hul koshuis by die Hoërskool Stella gevind. Die meisies, albei in gr. 11, was veronderstel om die Saterdagoggend die skoolbus te haal om ʼn sportbyeenkoms op Koster te gaan bywoon. Hulle het die aand alleen in die koshuis oorgeslaap en hul moordenaar het oënskynlik maklik toegang tot die meisiesafdeling van die koshuis gekry.

Toe hulle nie die oggend die bus haal nie, het die koshuismoeder na hulle gaan soek en op Sharnelle se liggaam afgekom waar sy aan ʼn nylontou aan die trapreling hang. Die polisie is ontbied en Marna se liggaam is in die badkamer aangetref. Sy is vermoedelik verwurg en daar was ʼn handsakband om haar nek.

Die polisie het aanvanklik ʼn geregtelike doodsondersoek van stapel gestuur om vas te stel of vuilspel betrokke was, maar het dit is spoedig na moord verander. Bylsma is dieselfde dag by sy huis in Stella in hegtenis geneem. Bylsma en Sharnelle was voorheen in ʼn verhouding, maar het die verhouding beëindig. Marna was Bylsma se kleinniggie.

Sharnelle Hough (17), links, en Marna Engelbrecht (16). Foto: Via Facebook

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

11 Kommentare

jongste oudste gewildste
Suzi

Gooi alle vrouemoordenaars in die tronk en die sleutels weg.

wielie

19 jaar oud ….moordenaar??
Wat is fout met vandag se jong mense??? — maak my bang

Callie

Daar is nie meer dissipline nie. Dus geen nagevolge vir jou dade nie. Die mensdom verwerp all logiese denke met kamtige mense regte. Iemand wat moor, martel en brande stig moet mos alle regte verbeur. Daar buite is n baie siek wereld wat deur baie siek mense “create” is

Soltykat

Drie gesinne se lewens het almal onherroepelik verander. Ek voel so jammer vir die ouers.

Lourens

Zander was nie alleen nie. Hoe kan 1 persoon 2 meisies doodmaak. Die een of andereen moes gehoor skreeu het. Zander beskerm iemand .