Pres. Cyril Ramaphosa het Maandag amptelik die munisipale verkiesingsdag op 1 November vanjaar tot openbare vakansiedag verklaar.
Volgens Tyrone Seale, waarnemende woordvoerder van Ramaphosa, is die besluit geneem ingevolge artikel 2A van die Wet op Vakansiedae van 1994.
Volgens Seale versoek Ramaphosa werkgewers om voorsiening te maak dat werknemers hul grondwetlike stemreg op 1 November kan uitoefen.
Hy moedig ook alle geregistreerde kiesers aan om van die vakansiedag gebruik te maak om te stem en só hul burgerlike plig te vervul.
“Kiesers word ook daaraan herinner dat hulle slegs hul stemme sal kan uitbring by die stemlokale in wyke waar hulle geregistreer is. Indien kiesers dit oorweeg om binnelands te reis, sal hulle nie hul stemme kan oordra na stemlokale buite hul aangewese wyke nie,” sê Seale.
Ramaphosa doen ook ʼn beroep op kiesers om te alle tye die Covid-19-afsonderingsregulasies na te kom.
Nou wat is so nuuswaardig aan die aankondiging? Vir meeste kaders in die staatsdiens is elke dag n vakansiedag.
Curil begaan’n strategiese fout. Deur Maandag’n vakansiedag te maak, gaan die ANC baie stemme aan die shebeens verloor.
Openbare vakansie dag . Nie openbare stemdag . Dit se alles van die spul .
Slim, as mens langnaweek weg wil gaan, verloor jy jou stem.
Hoe gemaak as ek nie die 1e kan stem nie?
Ek gaan laat slaap en dan braai.
Our people ken nie van covid regulasies nie. Dit gaan ‘n heerlike langnaweek wees. Pffffft.
Kies: ‘n Laaang lekker rusdag iewers langs die see of sommer net… Of ‘n laaank-staan-met-‘n-masker in ‘n tou vir ‘n onverkwiklike kandidaat van ‘n party wat net mooi niks vir die inwoners se behoeftes omgee nie.
Hier is my ongewilde mening: Ons stem nie want ons gemeenskap is ‘n selfstandige gemeenskap wat eie water, elektrisiteit en riool het. Ons het ons eie infrastruktuur en sekuriteit.
Wens dit vir ons almal toe.
ANC sal alles in hul vermoeë doen om die knoeiery te verbeter.
Vir party is dit net nog n vakansie dag om te kan braai!!
Watter voordeel gee dit aan werkers? Meeste besighede is altyd oop op openbare vakansiedae.