Stemme dalk by kerslig getel

(Foto: pixabay)

Eskom gaan binnekort fase 2-beurtkrag in werking stel.

Die kragvoorsiener het Dinsdagmiddag aangekondig dat fase 2 van 16:00 af in werking sal tree en tot Woensdag om 05:00 sal geld.

Volgens Eskom verkeer die kragnetwerk onder groot druk ná sy Kusile-netwerk uitgeskop het. Opwekkingseenhede by die Matimba- en Arnot-kragstasie het ook vroeër uitgeskop en is sedertdien nog nie herstel nie.

Die kragvoorsiener waarsku dat beurtkrag na verwagting vir die res van die week kan voortduur terwyl herstelwerk gedoen word. Eskom het verlede week beloof dat die ligte sal aanbly tydens die tel van stemme in die munisipale verkiesing. Dit lyk egter nou of tellers moontlik kerse sal moet nader hark om te verseker al die stemme word teen Donderdag getel, soos die Onafhanklike Verkiesingskommissie vroeër gesê het.

Sowat 17 933 MW is tans op beplande instandhouding, terwyl 3 451 MW se kapasiteit weens tegniese probleme nie beskikbaar is nie.

Eskom herinner intussen verbruikers dat beurtkrag “as laaste uitweg” ingestel word om die stabiliteit van die kragstelsel te handhaaf.

Landsburgers word weereens gemaan om elektrisiteit spaarsamig te gebruik.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

26 Kommentare

jongste oudste gewildste
Pietertjie

En wanneer skop die brandstofpryse in? Of skop dit die verbruiker uit?

Truthful

Ek spaar krag vir my sak

AW

Ieweste sal iemand nog n Boek hieroor skryf !!

Mariana

Altyd dieselfde stasies. Altyd probleme. Dit gaan nooit weer normaal wees nie.

Johann

SO BEGIN JY ANARGIE!!!!! Dis AL wat die ANC en EFF nodig het om die stemmery ongeldig te laat verklaar. Absolute beplande terrorisme!