Steve Biko-hospitaal ontvang reuseskenking uit China

Van die toerusting wat geskenk is. Foto: ANA.

Die Chinese regering het Dinsdag hoogs gespesialiseerde mediese toerusting aan die Steve Biko akademiese hospitaal in Pretoria geskenk.

Aaron Motsoaledi, minister van gesondheid, het dit ontvang.

“Ek wil regtig baie dankie sê vir hierdie skenking, namens die regering en die mense van Suid-Afrika. Dié soort toerusting sal altyd hoog in aanvraag wees, daar kan nooit genoeg wees daarvan nie,” het Motsoaledi gesê by die oorhandigingseremonie binne die hospitaal.

Motsoaledi het gesê die toerusting sal gebruik word om dit wat die hospitaal het aan te vul en ander ouer toerusting te vervang. “Die toerusting wat ons ontvang het, was reeds in ons aankopeplan omdat ons toerusting so verouderd is. Dit is ʼn groot verligting, want nou kan daardie geld elders aangewend word.”

Die toerusting sluit 24 monitors vir tekens van lewe, SynoVent E5/Neonatale-ventilators en A7-narkosewerkstasies in.

Motsoaledi het ook aan die Chinese verteenwoordigers gesê dat mense dink dis ʼn skande om na staatshospitale toe te gaan. “Ek as minister kry egter my behandeling hier, dit is die beste hospitaal dié. Mense dink egter dis propaganda as ek hierheen kom,” het hy gesê.

Die Chinese afvaardiging het hul minister van gesondheid ingesluit.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

40 Kommentare

jongste oudste gewildste
ek

As die staat nie die geld so steel nie sal dit nie nodig wees vir skenkings nie!!!

ja neh

“Daardie geld kan elders aangewend word” …. Ja seker vir die volgende partytjie!

cc

TANSTAAFL- BEGINSEL: THERE AINT NO SUCH THING AS A FREE LUNCH

Lions

Daai land gee nie verniet goed verniet weg nie. Kyk bietjie hoe het hulle begin oorneem in Namibië. Noem my nou maaar negatief. Dit is ek beslis nie. Om een of ander rede het van die regerings in Afrika ‘n liefde ontwikkel vir die Chinese. Paop maar net, dis al wat ek sê. Kyk bietjie in hoeveel lande in die wêreld is die Chinese betrokke? Hoekom wonder ek? Wat sou hulle in ruil wou hê?

Anoniem

Kom ons kyk hoe lank neem dit om verniel, gebreek of gesteel te word.