Steve: ‘Devon lyk goed’

Steve en Devon Hofmeyr. Foto: Facebook

Steve Hofmeyr het Dinsdag gesê die operasie wat sy seun Devon moes ondergaan nadat hy geslaan is, was geslaagd.

“Devon lyk goed en sal moontlik vandag ontslaan word,” het Hofmeyr aan Maroela Media gesê. Devon moes Maandagoggend ʼn operasie ondergaan nadat hy laat Donderdagaand in ʼn hospitaal opgeneem is.

Armand Hofmeyr, Devon se broer, het vroeër gesê Devon se kakebeen is af geslaan en hy het ligte bloeding op die brein.

Volgens berigte het die onderonsie Donderdagaand om 23:00 buite die Platteland-kuierplek in Centurion gebeur.

“Die konflik Donderdagaand was oorwegend ʼn laataand, handsak-onderonsie. Net twee het hul hande gelig, en sal vasgevat word. Die geslotebaantelevisie is gelukkig duidelik oor wie dit was. Ek staan by Devon en hoop maar hyself leer iets hieruit,” het Steve in verband met die voorval gesê.

Steve het intussen bevestig dat daar nog nie ʼn klag by die polisie aanhangig gemaak is nie. Hy wou egter geen verdere kommentaar oor die aangeleentheid lewer nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Petro

Ag eks so bly om te hoor hy lyk goed :-) Word gou gesond Devon!!!

willem Botha

Sterkte Steve en seun ,beweeg aan en dankie vir die onselfsugtige werk wat jy doen om vir ons en ons kinders want net soos jou seun niks met apartheid te doen gehad het nie maar verdruk word deur diskriminerende wetgewing net so is ons kinders ook slagoffers.

Dries du Toit

Steve het groter dinge wat hom besig moet hou. Hierdie handsak gevegte van sy kinders trek sy aandag af van die belangrikste aanslagte teen hom en die Afrikanervolk. Ons het nou gehoor . Dit is verby en laat ons voortgaan met die belangrike gevegte vir ons voorrbestaan

Siener

Devon ek is bly alles het goed afgeloop. Kla die moeilikheidmakers aan of laat hulle jou help met die plaasaanval opleiding.

Elsabie

Goeie nuus. So bly dit gaan beter. Sterkte vorentoe. En word gou gesond!