Steve Hofmeyr kry hofbevel teen komediant

Steve Hofmeyr. Foto: Burger Meyer/Maroela Media

Steve Hofmeyr. Foto: Burger Meyer/Maroela Media

Steve Hofmeyr het ʼn hofbevel gekry waarvolgens Conrad Koch, die buikspreker agter die karakter Chester Missing, hom nie verder mag “teister” nie.

Praag het Hofmeyr bygestaan in die proses en het in ʼn verklaring gesê dat die hofbevel Woensdag in die Randburg-landdroshof bekom is. Volgens die hofbevel mag Koch Hofmeyr nie “verder teister, sy borge of vennote kontak of bykomende lasterlike of kwetsende aanmerkings oor hom publiseer nie”.

Volgens die verklaring is die hofbevel geldig tot 27 November wanneer Koch glo in die Randburg-landdroshof moet verskyn om te verduidelik waarom die bevel nie ʼn finale bevel gemaak moet word nie. “ʼn Lasbrief vir Koch se inhegtenisname is reeds uitgereik en sal uitgevoer word indien hy die bevel, wat oral in die Republiek van Suid-Afrika van krag is, sou verontagsaam.”

“Ons kon eenvoudig nie langer stilsit om te sien hoe Steve Hofmeyr, wat steeds die gewildste sanger in Afrikaans is en met wie ons al meer as ʼn dekade saam vir Afrikaans en Afrikanerregte stry, op kwaadwillige wyse en deur teistering benadeel word nie,” het dr. Dan Roodt in die verklaring gesê.

Volgens Roodt oorweeg Praag en Hofmeyr ook die moontlikheid om Koch vir laster te dagvaar weens “onwelvoeglike uitlatings oor die sanger wat hy op Twitter gepubliseer het”.

Hofmeyr het vroeër ʼn opskudding op sosiale media veroorsaak nadat hy voorverlede week getwiet het: “Sorry to offend but in my books Blacks were the architects of Apartheid. Go figure.” Talle Twitter-gebruikers, waaronder Koch, het Hofmeyr se borge en maatskappye wat geleenthede borg waar Hofmeyr betrokke is, op sosiale media gekap en gevra of hulle sy uitlatings goedkeur.

Koch het ook in ‘n meningstuk in The Times uitgevaar teen Hofmeyr en onder meer vir Pick n Pay en Land Rover, borge van Afrikaans is Groot, gevra of hulle gemaklik is daarmee om met Hofmeyr verbind te word.

Koch intussen Woensdagmiddag op Twitter reageer op die hofbevel:

Klik hier vir vorige berigte oor die aangeleentheid.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

40 Kommentare

jongste oudste gewildste
Hein Swart

Welgedaan, Stan, Steve.
Wonder wat die reaksie sou wees sou Steve hom op dieselfde wyse aangevat het.

Frik Lotz

Mooi so, Steve. Ek ondersteun jou 100%. Weereens ook dankie vir die goeie werk wat jy vir ons volk en ons taal doen. Doen so voort!

Tokkie

Grotentot, miskien moet iemand wat weet hoe bietjie in sy kas gaan krap?

Paul

Wat sê Eben nou. Plaas van vir Steve op Twitter vra wat hy bedoel het met sy uitspraak oor swartes, het hy probeer op hierdie forum om hom te laat goed lyk. Slaap lekker met jou rooi keppie, ou. En o ja, onthou om vir Tony Edenrich, Bossi en die ander wat gereeld veral die wit man probeer bykom, ook aan te vat.

David

Vat so Conrad Koch! Voor hierdie onwelvoeglike tirade van jou het niemand eens geweet wie jy is nie, EN sal ons jou naam tien teen een voor die einde an die jaar weer vergeet het…