Die stigter van die Grammy-bekroonde koorgroep Ladysmith Black Mambazo is Dinsdag in ’n Pretoriase hospitaal dood. Joseph Shabalala was 78 jaar oud. Hy was glo lank siek.
Shabalala het die sanggroep in 1960 gestig waarna die groep nie minder nie as vyf Grammys gewen het. Een van die groep se hoogtepunte was ook hul verskyning op die Amerikaanse sanger Paul Simon se album Graceland in die 80’s.
Die Suid-Afrikaanse regering het vanoggend sy medelye op Twitter betuig ná die nuus van Shabalala se dood. “Ulale ngoxolo Tata ugqatso lwakho ulufezile” lui ’n plasing in Xhosa. Dit beteken “Rus in vrede pa. Jou wedloop is voltooi”.
Hy het ‘n wen resep gehad. Hulle het Suid Afrika trots gemaak. Rus in Vrede.
Absolute legende!
jammer om te hoor. Het een van sy konserte bygewoon so 12 jaar terug, dit was uitstekend.