Stigting hoogste hof toe oor NDZ se mag

Die minister van samewerkende regering en tradisionele sake, Nkosazana Dlamini-Zuma. (Foto: GCIS)

Die Helen Suzman-stigting het die Konstitusionele Hof genader in ʼn poging om die parlement en uitvoerende gesag te dwing om hul mag terug te neem.

“Minister Nkosazana Dlamini-Zuma word reeds twee maande lank toegelaat om op haar eie, of saam met die nasionale bevelsraad, wetgewing in te stel as deel van die regering se reaksie tot die Covid-19-pandemie,” voer Francis Antonie, direkteur van die stigting, aan.

“Hulle [die parlement en kabinet] blyk gemaklik daarmee te wees dat hul magte deur ander oorgeneem word, blykbaar vir so lank as wat Covid-19 ʼn bedreiging inhou.”

Die Wet op Rampbestuur gee Dlamini-Zuma, minister van samewerkende regering en tradisionele sake, uiteenlopende magte tydens ʼn gebeurtenis soos ʼn pandemie. Volgens Antonie berus dié wetgewende en uitvoerende mag ingevolge die Grondwet in die parlement en die uitvoerende gesag.

“Hoewel die sentralisering van mag in die minister geregverdig kon wees deur die skielike bedreiging wat Covid-19 bied, kan hierdie basiese afwyking van die skeiding van magte slegs vir ʼn kort ruk duur, naamlik totdat die parlement en die uitvoerende gesag hul wetgewende en uitvoerende funksies met betrekking tot Covid-19 kan uitoefen.”

Die stigting voer in hul hofdokumente aan dat die parlement ʼn plig het om wetgewing te aanvaar wat die staat se reaksie reguleer rakende die bedreiging wat Covid-19 inhou en die skade wat dit veroorsaak. “Die uitvoerende gesag het ʼn plig om hierdie wetgewing voor te berei en te inisieer vir oorweging, debat en uiteindelik goedkeuring deur die parlement.

“Die uitvoerende gesag is dan verplig om die wetgewing toe te pas. Slegs deur die uitvoering van hierdie pligte sal die huidige ineenstorting rakende die skeiding van magte reggestel word en Suid-Afrika se demokrasie tot konstitusionele normaliteit herstel word. Op dié manier, ingevolge die Grondwet, het die parlement en die uitvoerende gesag albei ʼn sentrale rol te speel in die staat se reaksie op Covid-19.”

Die stigting voer aan die parlement en uitvoerende gesag moes ná afloop van die afkondiging van ʼn ramptoestand aktief stappe gedoen het om hul grondwetlike pligte terug te neem. “Hulle het daarin misluk.”

Volgens Antonie is die stigting dus gedwing om die Konstitusionele Hof te nader vir ʼn bevel om hulle te dwing om hul mag terug te neem.

“Die stigting wil ʼn herstel hê van die mag van die parlement en die uitvoerende gesag sodat hulle kan funksioneer soos dit deur die Grondwet vereis word. Hierdie onvervangbare stem van die mense is nou al vir twee maande stil, te midde van die nasionale en wêreldwye krisis. Die tyd het aangebreek dat dit weer sal praat.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

48 Kommentare

jongste oudste gewildste
Riaan

Wat het van die DA se hofsaak geword. Enige vordering ?

Fedup

Old head scarf should remember. That stick you take for others, might turn on you. Power should be taken away from her. Not tomorrow, right now.

Andre

Indien die parlement en uitvoerende gesag se pligte weggeneem is, waarom word hulle vergoeding en voordele nie ook soveel verminder nie.

Simon

Die “ZUMA” in die naam verklaar haar mag.

Michael 1

Ek sien die de klerk stigting is die laaste tyd doodstil vandat de klerk in die bek geruk is deur Malema.