Stigting wil appelleer teen uitspraak oor Roets se vlag-twiet

ou-sa-vlag-nelson-mandela-stigting-en-ernst-roets

Ernst Roets van AfriForum en die Nelson Mandela-Stigting tydens vorige hofverrigtinge.

Die Nelson Mandela-stigting het ’n aansoek om appèl ingedien nadat die gelykheidshof in Johannesburg Dinsdag bevind het dat Ernst Roets, AfriForum se hoof van beleid en aksie, nié minagting van die hof gepleeg het toe hy verlede maand ʼn foto van die ou landsvlag op sosiale media geplaas het nie.

Die stigting het in sy aansoek gesê die hof het ʼn fout begaan in sy beslissing om Roets en AfriForum onskuldig te bevind.

“Die hof moes gevind het dat die applikant prima facie-bewyse gelewer het dat die respondent minagting van die hof gepleeg het,” glo die stigting.

Dié regsgeding volg nadat Roets kort nadat die hof in Augustus beslis het dat die vertoon van die ou landsvlag in sekere kontekste op haatspraak neerkom, ʼn foto van die vlag getwiet het met die vraag: “Het ek nou net haatspraak gepleeg?”

Die Nelson Mandela-stigting het daarna ʼn klag van minagting van die hof teen Roets én die burgerregte-organisasie aanhangig gemaak en die hof versoek om Roets tronkstraf op te lê.

Roets se verweer is dat hy bloot ʼn akademiese vraag as doktorale student gestel het. Die stigting glo egter dat die plasing onder die voorwendsel van akademiese debat gemaak is.

Regter Colin Lamont het gister in sy uitspraak gesê hoewel hy glo dat hy mettertyd sou kon bevind dat Roets die bepalings van die Wet op die Gelykheidshof oortree het, hy egter nie in minagting van die hof is nie.

Hy het verduidelik dat Roets se optrede nie deel van minagting van die hof vorm nie, want daar moet ’n hofbevel wees wat iemand verplig om iets te doen.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

45 Kommentare

jongste oudste gewildste
James

Het hulle niks beter om te doen nie. Plaas hulle daardie vrou van hulle in Denmark inroep

Hans

Onder daardie vlag was daar groei en vooruitgang.
Die nuwe vlag versinnebeeld korrupsie en algehele wetteloosheid. Daar is belangriker ding waarmee hul hulself kan besig hou as om th sanik oor ons vlag. Waar kan ek een koop?

T-man

Dalk moet die stigting hulle aandag verg op die werklike rasiste wat rassespanning veroorsaak (Malema en BFL) en ophou wil emosie trek uit n stuk lap uit.

Pieter

As ek swart sien dan wil ek op gooi

Jacques

Slim vang sy baas ……… gee net kans .