Stormloop toe werkers ‘goud’ vind

Duisende mense stroom tans na die Mbuthumeni-nedersetting buite Harding in KwaZulu-Natal om te grawe vir “goud”. Foto: Gcina Ndwalane/ANA

Owerhede in die suide van KwaZulu-Natal het hul hande vol om ʼn stormloop van mense te beheer wat op ʼn klein nedersetting toegesak het nadat daar na bewering goud in hierdie gebied gevind is.

Duisende mense stroom tans na die Mbuthumeni-nedersetting buite Harding in die hoop op kitsrykdom nadat glinsterende geel klippe hier gevind is gedurende gronduitgrawings.

Dixie Nciki, burgemeester van die Umuziwabantu-munisipaliteit, het gesê die plaaslike stamhoof het reeds die gemeenskap toegespreek oor die gevare daarvan om in die steengroef te myn. Die hoof het gemeenskapslede gevra om ter wille van hul veiligheid uit die gebied te bly.

Dit het blykbaar nie gehelp nie. “As burgemeester het ek ook al verskeie kere die gebied besoek om die gemeenskap toe te spreek oor veiligheidskwessies, maar ons kom agter die getal mense wat op daardie gebied toesak, raak elke dag meer,” het Nciki gesê.

Nciki het gesê die munisipaliteit beraadslaag met die Ugu-distriksmunisipaliteit en sal in samewerking met dié munisipaliteit se rampbestuurspan en die SAPD planne beraam sodat gemeenskapslede verhoed word om in die steengroef te grawe vir goud, aangesien dit onveilig is.

Duisende mense stroom tans na die Mbuthumeni-nedersetting buite Harding in KwaZulu-Natal om te grawe vir “goud”. Foto: Gcina Ndwalane/ANA

“Die rampbestuurspan en die SAPD het intussen doringdraad gebruik om die gebied af te sper totdat toetsresultate aandui of die klippe werklik goud is of nie. Die SAPD het Maandag ʼn monster daarvan  na Pretoria geneem om ontleed te word en ons wag nou op die uitslae.”

Die plaaslike inwoners glo blykbaar dié “goud” wat hulle in die gebied vind, kan hul lewe verander, gegewe die hoë vlak van werkloosheid daar. Die stormloop het begin nadat konstruksiewerkers in die gebied gegrawe het vir steengroefklippe wat hulle wou gebruik om grondpaaie mee te plavei en toe die geel klippe, soortgelyk aan goud, gevind het.

Plaaslike inwoners is al sedert verlede Woensdag doenig in die steengroef om na die goud te soek. Volgens Nciki is daar reeds twee gemeenskapslede beseer terwyl hulle besig was met hul mynbedrywighede in die gebied. “Hulle is na die plaaslike hospitaal gehaas en volgens inligting word hulle steeds daar behandel,” het Nciki gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Whahahah

SIEN ….JULLE SOEK PLASE EN MEANTIME is die GOUD in die NEDERSETTINGS, nou gaan die NEDERSETTINGS seker weer deurloop .. LMGA .. o hel ek hou hiervan .. gooi ‘n paar stukkies goud op ‘n stuk land en kyk hoe STROOM Die massas soontoe, dan is die plase waarop hulle moet BOER eintlik heeltemal vergete … heheheeeeeeeeeeeeeee.Ek hou van enterpreneurskap .. GO FOR IT .. grawe boet grawe!!

NM

Lyk vir my na pyrite – “fools gold” . n storm loop na goud sal altyd gebeur, wereldwyd, van letterlik die GoldRush

Goud

Ek dink nou daaraan. Wat ons sê op Nkandla en op malema se grond is daar baie goud.

Blommie

Net onveilig en nie onwettig nie?????

Johann

As ek al ooit gewonder het oor die massaa se vlak van naief en beinvloedbaar, dan wonder ek nie meer nie.

Maar net siveel die massas se vlak van desperaatheid… gevaarlike kombinasie!