Talle Gautengse skole sal nie op die eerste dag van die akademiese jaar kan heropen nie as gevolg van die skade wat tydens die onlangse storm aangerig is asook voorvalle van vandalisme oor die feesseisoen.
Die Gautengse departement van onderwys het die name van 20 skole bekend gemaak wat nié op 17 Januarie sal kan heropen nie as gevolg van die stormskade.
Lenasia Sekondêre Skool, Laerskool Ormonde, Laerskool Buhlepark, Hoërskool Krugersdorp en Laerskool Ratanda is onder die geaffekteerde skole.
Panyaza Lesufi, Gautengse LUR van onderwys, het gesê daar is skole in die provinsie wat gevandaliseer is en waarby daar tydens die feesseisoen ingebreek is.
In Pretoria is vier skole, Sekhulisile Primary School, Soshanguve South, Mahlenga en Tlatlogang, geraak.
Stormskade en VANDALISME< jammer maar moenie by my kom simpatie soek nie, stormskade is een ding maar VANDALISME bring hierdie mense op hulleself. Vir my part kan hulle onder 'n boom skool onderrig kry of glad nie. Jy slaap op die BED WAT JY OPMAAK, of gaan julle nou weer die Afrikaanse skole bestorm wat NIE deur vandale afgebreek is nie, en daar gaan inwurm?
Stem saam met jou!