Straatverkoper sterf toe hy voor vragmotor beland

Argieffoto: Kent Williamson

ʼn Straatverkoper (35) is op Cedarweg in Broadacres net buite Fourways omgery.

Nick Dollman, woordvoerder van Netcare 911, het gesê die voorval het Donderdagmiddag omstreeks 16:30 plaasgevind.

“Dit blyk dat die man besig was om goedere te verkoop toe hy deur ʼn motor getref is en toe voor ʼn aankomende vragmotor beland het,” het Dollman gesê.

Volgens Dollman het hy baie ernstige beserings opgedoen en was daar niks wat die paramedici vir hom kon doen nie. Hy is op die toneel dood verklaar.

Die voorval word deur die polisie ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
johan II

Waar is Metro? Verwyder hulle…het vandag WEER amper een raakgery…is verbaas daar sterf nie meer nie. Ek wens mense wil hul nie so aanmoedig nie, as jy iets wil koop, ry na n winkel toe.

Adri

Miskien moet die mense veiliger afsetpunte soek om hulle goedere te verkoop. Strate en paaie is nie bedoel om winkels te wees nie, dit is vir verkeer bedoel. As ek iets wil koop, gaan ek nie iets by iemand koop wat op die hoek van ‘n straat staan nie.

m

Dis tragies. Hy het ma net probeer geld maak om kos op die tafel te sit. Hierdie land skep niks werksgeleenthede nie so dis hoe mense probeer oorleef.

Johannes van Staden

As jy aanhou koop is hy more weer daar

Pastoor

Dit is tragies. Hulle staan in interseksies. Moet daagliks oppi hoede wees. Verkeerspolisie moet die mense wegkry uit die paaie