Strafregtelike klagte teen EFF gelê

Julius Malema (regs), leier van die EFF, lei die optog na die provinsiale wetgewer op 22 Julie 2014  Foto: Werner Beukes/SAPA

Julius Malema (regs), leier van die EFF, lei die optog na die provinsiale wetgewer op 22 Julie 2014 Foto: Werner Beukes/SAPA

Die polisie sê hy het strafregtelike klagte teen die Ekonomiese Vryheidsvegters (EFF) gelê weens lede van die party se gedrag in die Gautengse wetgewer.

Lt.kol. Lungelo Dlamini, woordvoerder van die polisie, sê aanklagte van openbare geweld en kwaadwillige saakbeskadiging is by die Johannesburg Sentraal-polisiestasie aanhangig gemaak.

Dlamini sê niemand is nog in hegtenis geneem in verband met die voorval nie.

Hlengiwe Bhengu, die wetgewer se waarnemende sekretaris, sê hulle het die klagte aanhangig gemaak nadat lede van die EFF, insluitend die party se leier Julius Malema, Dinsdagaand die wetgewer bestorm het.

Bhengu sê die aanklagte hou verband met die EFF se gedwonge toegang tot die wetgewer, die steel van kos wat vir die sitting bedoel was, die aanranding van polisiebeamptes, die gooi van gebreekte bottels na die gebou en vandalisme.

Malema en honderde EFF-lede het Dinsdag ‘n optog na die wetgewer gehou nadat EFF-LPW’s vroeër die maand uit die wetgewer geskop is oor hulle kleredrag.

Die polisie moes traangas en rubberkoeëls gebruik om die EFF-ondersteuners uitmekaar te jaag. Talle mense, waaronder Malema, is beseer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Trippie

… Jô !

Hier is ‘n duidelik bewys, nogmaals – wanneer ‘n mens nie respek vir jouself het nie, het jy vir niks en niemand anders respek nie.

Laat die Effers die skade herstel !

Fanie van Heerden

EN LEDE VAN HIERDIE MISDAAD-BENDE EN HULLE LEIER SIT IN DIE PARLEMENT OP BELASTINGBETALERS SE KOSTE. WIE MOET ONS DAAARVOOR BEDANK?

Johann

Hierdie tipe optrede maak my meer entoesiasties om te bid en te bid en te bid en te bly bid vir selfbeskikking!

Waar ons Leidsman ‘n eervolle plek sal hê en sal regeer en die antichris geen burgerskap sal kry nie.
Daarvoor sal Hy sorg om Sy kinders teen die bose te beskerm.

Kom Here, kom tog gou asseblief.

Amen.

william

Wat verhoed Malema en sy trawante om op n beskaafde manier op te tree en op n sinvolle manier landsake te debatteer? Ek weet hoekom ,maar sal maar stilbly. Hy skuld die belasting gaarder miljoene ,maar kom weg daarmee.Hulle optrede kan vergelyk word met n spul kleuters . Ons sal nie rus voordat ons selfbeskikking het nie.Dit is die enigste oplossing

Wessel van Vuuren

Jammer dat onse Juliusie NET beseer was.