Strenger inperking dalk op hande

Pres. Cyril Ramaphosa . (Foto: Siya Duda/GCIS)

Die nasionale Covid-19-bevelsraad, die presidensiële koördinerende raad en die kabinet vergader Dinsdag oor die jongste Covid-19-statistieke en die moontlikheid van ’n strenger inperking.

In die verlede het pres. Cyril Ramaphosa kort na die vergaderings die land toegespreek. Daar word die afgelope paar dae berig dat ’n strenger inperking moontlik op hande is weens die toename in die aantal nuwe Covid-19-gevalle.

Kommer heers ook oor die aantal hospitaalopnames met sommige hospitale wat reeds vol is. In die verlede is verdere beperkings rakende drankverkope ingestel om die druk op hospitale te verlig. Die Nasionale Raad van Drankhandelaars het reeds versoek dat daar nie ’n strenger inperking moet wees nie, maar dat voldoening aan Covid-19-regulsies verbeter moet word.

Mmamoloko Kubayi-Ngubane, waarnemende minister van gesondheid, het Sondag in ’n onderhoud met die SABC gesê haar departement sal aanbevelings maak aan die nasionale Covid-19-bevelsraad. Sy het daarop gesinspeel dat strenger inperkings moontlik verwag kan word.

Volgens Kubayi-Ngubane sal die aantal nuwe Covid-19-gevalle aanhou styg indien mense roekeloos optree. Sy het gesê Suid-Afrikaners het vinnig gereageer tydens die eerste twee vlae van Covid-19 en dat sy hoop dat dit nou ook die geval met die derde vlaag sal wees.

Suid-Afrika het op 31 Mei vanaf ’n aangepaste vlak 1 van die afsonderingstydperk na ’n strenger vlak 2 van die afsonderingstydperk geskuif. Die aandklokreël is vervroeg en geld nou van 23:00 saans tot 04:00 soggens. Alle nie-noodsaaklike instellings, waaronder restaurante, kroeë en gimnasiums, moet teen 22:00 sluit om te verseker dat personeel en klante voor die aandklokreël tuis is.

Godsdienstige, sosiale, politieke, en kulturele byeenkomste word weer beperk tot 100 mense binnenshuis en 250 mense in die buitelug. Kleiner lokale wat nie die getal kan akkommodeer nie, mag nie meer as 50% van hul kapasiteit oorskry nie.

Begrafnisse word beperk tot 100 roubeklaers. Nagwake en byeenkomste voor en na begrafnisse word steeds nie toegelaat nie.

Deel van: SA-nuus

Koronanuusbrief

Wil jy op hoogte bly van alle nuus oor Covid-19 op Maroela Media? Teken in op die nuusbrief.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

59 Kommentare

jongste oudste gewildste
Stephan

Bla bla nla…
Wat wil Squirel nou weer sê?
Pleks groei hy ‘n ruggraat…

Strandloper

Mense dit is scary verby as jou geliefde die bug het. Ek was nog nooit in my lewe so onseker en bang nie. Gelukkig het ons Hemele Vader ons die helderheid van verstand gegee om alle middels tot ons beskiking te gebruik. Moenie Ivermectin mis kyk nie dit werk!

Ovelia

Stem saam. Die mense by begrafnisse hou nie by die reels nie ook ni met die after teers nie
Kyk hoe vol is taxis gelaai sonder maskers of ook nie hand sanitiser nie

Tiptol

Mense moet beskerm word, maar hulle moet darem ook self verantwoordelik neem. Ons ekonomie kan nie nog ‘n groot inperking bekostig nie.

annie

Miskien die prez sommer ook winkels/sentrums beboet wat steeds na ‘n jaar se gebruik dieselfde pompe en bottels en asblikke op smerige vloere by ingange gebruik. Die voetpompe werk al soos ‘n ou tjor se rempedaal met skaars ‘n blerts of sug net soos ‘n moeè dronkie.