Stropers hoor dán oor vonnis

Die ietermagog wat gered is.

Drie veroordeelde stropers sal later vandeesmaand in die Khayelitsha-streekhof gevonnis word, nadat hulle vroeër skuldig bevind is.

Thokozani Welcome Gumbi (41), Zenempilo Musa Kuphe (26) en Gentlemen Moyo (41) is verlede week skuldig bevind dat hulle die Wet op Nasionale Omgewingsbestuur en Biodiversiteit oortree het deurdat hulle ʼn ietermagog in hulle besit gehad en daarmee gesmokkel het, het kapt. Philani Nkwalase, woordvoerder van die Valke in die Wes-Kaap, gesê.

Obert Liphat Mololo (44) is skuldig bevind aan die onwettige besit van ʼn vuurwapen en ammunisie.

Die Valke het die vier al in September 2014 by ʼn vulstasie in Kaapstad in hegtenis geneem. Hulle het toegeslaan nadat die ietermagog aanlyn vir R250 000 geadverteer is.

Nóg ʼn persoon wat saam met hulle in hegtenis geneem is, is op alle aanklagte vrygespreek.

Nkwalase het gesê die saak is tot later vandeesmaand vir vonnisoplegging uitgestel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
Johanna Botha

So word alles deugetrek en opgevreet !

Arno Scheepers

2014 gearresteer en word in 2019 gevonnis? Dit is PATETIES en een van die redes hoekom misdaad hoogty vier. Ons regstelsel en howe faal die land en sy mense.

George in Bloem

Is daar enige iets wat hierdie ouens nie sal smokkel nie?

Gaitsigubib

Die mense is skuldig bevind maar die vraag is, wat gaan hul vonnis wees? Dalk 3 maande in die tjoekie of R1000.00 boete? Wat my egter ontstel is die hope publisiteit, kommentaar, en self haatpos wat wettige jag van diere wat baie meer algemeen is (soos bv leeus), ontvang. Dit laat my dink dat die “greenys” het n agenda wat met bewaring niks uit te waai het. Hierdie radikale mense het hulself reeds ontmasker as mense wat slegs daarop uit is om die kultuur aan te val van mense wat met die wapen in sy hand wil leef soos wat… Lees meer »

GL

Hulle sal enige iets vernietig vir hulle eie gewin , dit is in hulle bloed. Van die hoogste rang tot onder toe.