Die liggaam van ʼn 20-jarige manstudent is Saterdagaand deur polisieduikers uit die dam by die Loch Logan Waterfront in Bloemfontein gehaal.
Die man het volgens lt.kol. Moses Qovane, woordvoerder van die polisie, om 18:21 van die winkelsentrumgebou se dak afgespring.
“Veiligheidswagte het gesien wat gebeur en onmiddellik die polisie in kennis gestel. Verskeie eenhede is na die toneel ontplooi en het dadelik na hom begin soek.”
Sy liggaam is omstreeks 21:30 uit die dam gehaal.
“Hy het ʼn sak met persoonlike besittings soos sy identiteitsdokument by hom gehad,” het Qovane gesê.
Die jong man was ʼn student aan die Central University of Technology (CUT) in Bloemfontein.
Qovane sê die motief agter sy optrede is nog nie bekend nie.
Die polisie doen ʼn geregtelike doodsondersoek.
Tragies.
Baie sleg vir sy geliefdes.