Studente-aktivis se ‘verdwyning’ ondersoek

Vusi Oldman Mahlangu. Foto: Twitter

Vusi Oldman Mahlangu. Foto: Twitter

ʼn Soektog na die woordvoerder van die #OutsourcingMustFall-beweging, wat na bewering onder raaiselagtige omstandighede verdwyn het, het Woensdag opslae op sosiale media gemaak.

Vusi Oldman Mahlangu, ʼn studenteaktivis en voormalige SR-lid by die Walter Sisulu-universiteit, het na bewering verdwyn nadat hy Dinsdagoggend glo by sy vriend se huis in Mthatha in die Oos-Kaap weg is om ʼn vergadering met kontrakwerkers by te woon. Oldman se vriend, Vuyo Mntonintshi, het op sosiale media beweer Mahlangu is omstreeks 10:00 by sy huis weg.

Volgens ʼn inskrywing op sosiale media het Mahlangu se vriende om 16:30 ʼn boodskap van sy selfoon ontvang wat lui: “Ek is of ontvoer of in hegtenis geneem en ek bloei… In ʼn donker plek in Mthatha. My foon gaan enige oomblik doodgaan.”

Mntonintshi se selfoon was Woensdagoggend afgeskakel en Maroela Media kon hom nie bereik vir kommentaar nie.

Lt.kol. Mzukisi Fatyela, woordvoerder van die polisie, het bevestig ʼn vermiste persoon-saak is deur die polisie geopen. Hy wou egter geen verdere besonderhede bekendmaak nie.

Talle sosialemediagebruikers het onder die hutsmerk #BringBackVusi heftig op sy beweerde verdwyning gereageer en bespiegel dit hou moontlik met sy aktivisme teen die uitkontraktering van universiteitswerkers verband.

Intussen het JacarandaFM berig ʼn privaatondersoekmaatskappy sal glo met die soektog na Mahlangu help.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Gerhardt

As jy deelneem aan die donker spel, sal sulke dinge gebeur ou maat. Hoop jy maak dit.

Strussbob

Regtig? Met jou selfoon by jou ? Media gee te veel aandag aan bog!!

Hannelie

Ek glo dit nie!! Seker ook van daai wat “vermis” is, dan vind jy later uit hy is op ‘n bus uit die dorp uit.

broos

hoe is jy of ontvoer of in hegtenis geneem? ek is seker jenige een ken die verskil…..

GES

Niks anders as ‘n publisiteitsfoeflie. Hy soek aandag. Gewoonlik word ‘n persoon se selfoon afgeneem gedurende ‘n ontvoering.